ନୂଆଦିଲ୍ଲୀ,୭।୫: ଦେଶର ସର୍ବବୃହତ୍ ଲର୍ନି ପ୍ଲାଟ୍ଫର୍ମ ଅନ୍ଏକାଡେମିରେ ବରିଷ୍ଠ ଏବଂ ଅଭିଜ୍ଞ ୟୁପିଏସ୍ସି ଶିକ୍ଷାବିତ୍ ଅଭାଦ୍ ଓଝା ନିକଟରେ ଉପସଭାପତି ୟୁପିଏସ୍ସି ପରୀକ୍ଷା ଭାବେ ପ୍ଲାଟ୍ଫର୍ମରେ ଯୋଗଦେଇଛନ୍ତି। ଏପରିକି ନୂଆଦିଲ୍ଲୀର ଅନ୍ଏକାଡେମି ସେଣ୍ଟରଠାରେ ଅଭାଦ୍ ୟୁପିଏସ୍ସି ପାଇଁ ଶିକ୍ଷାଦାନ କରିବେ। ବିଶେଷକରି ଅନ୍ଲାଇନ କ୍ଲାସ୍ରେ ତାଙ୍କର କ୍ଲାସ୍ ମଧ୍ୟ ଲାଇଭ୍ ହେବ ବୋଲି ପ୍ଲାଟ୍ଫର୍ମ ପକ୍ଷରୁ ସୂଚନା ଦିଆଯାଇଛି। ଉଲ୍ଲେଖଯୋଗ୍ୟ, ସେ ଅନ୍ଏକାଡେମି କେନ୍ଦ୍ର ଏବଂ ଅନ୍ଲାଇନ ଅନ୍ଏକାଡେମି ପ୍ଲାଟ୍ଫର୍ମରେ ୟୁପିଏସ୍ସି ଶିକ୍ଷାର୍ଥୀମାନଙ୍କୁ ଇତିହାସ ବିଷୟର ଶିକ୍ଷାଦାନ କରିବେ।
ଏ ସମ୍ପର୍କରେ ଅନ୍ଏକାଡେମିିର ସିଓଓ ବିବେକ ସିହ୍ନା କହିଛନ୍ତି, ପ୍ରାୟ ୨ ଦଶନ୍ଧି ଧରି ଚାଲିଥିବା ଏକ ଏକାଡେମିକ୍ ଅଭିଜ୍ଞତା ସହ ଅଭାଦ୍ ୟୁପିଏସ୍ସି ଶିକ୍ଷାର୍ଥୀମାନଙ୍କୁ ତାଙ୍କର ଅଭିଜ୍ଞତା ଓ ପ୍ରତିଷ୍ଠିତ ପଦ୍ଧତି ଦ୍ୱାରା ଶିକ୍ଷା ପ୍ରଦାନ କରିବେ। ସେହିଭଳି ଅଭାଦ୍ କହିଥିଲେ, ଯେତେବେଳେ ପ୍ରତିଯୋଗିତା ଏହାର ସାମର୍ଥ୍ୟକୁ ପରୀକ୍ଷା କରିବା ପାଇଁ ଚେଷ୍ଟା କରିଥାଏ ସେତେବେଳେ ଶିକ୍ଷା ମନକୁ ମନ ଜାଗ୍ରତ ହୋଇଥାଏ। ମୁଁ ଆଶାକରେ ଉଭୟ ଶିକ୍ଷାର୍ଥୀମାନଙ୍କ ମଧ୍ୟରେ ସେହି ଆଶା ବୃଦ୍ଧି କରିବାକୁ ମୁଁ ସମର୍ଥ ହେବି। ସୂଚନାଯୋଗ୍ୟ, ଅଭାଦ୍ ଓଝା ୫,୦୦,୦୦୦ ରୁ ଅଧିକ ୟୁପିଏସ୍ସି ଆଶାୟୀଙ୍କୁ ପରାମର୍ଶ ଦେଇଛନ୍ତି ଏବଂ ଶହ ଶହ ଆଶାୟୀଙ୍କୁ ୟୁପିଏସ୍ସି ପରୀକ୍ଷା ପାଇଁ ପ୍ରସ୍ତୁତ କରିଛନ୍ତି। ଇତିହାସ ପ୍ରତି ତାଙ୍କର ଗଭୀର ଆଗ୍ରହ ତାଙ୍କୁ ସମସ୍ତ ସ୍ତରର ଶିକ୍ଷାର୍ଥୀମାନଙ୍କ ସହିତ ନିଜର ଜ୍ଞାନ ବାଣ୍ଟିବାକୁ ଉତ୍ସାହିତ କରିଛି। ଉଲ୍ଲେଖଯୋଗ୍ୟ, ଅଭାଦ୍ଙ୍କ ଦ୍ୱାରା ପରିଚାଳିତ ବ୍ୟାଚ୍ ମେ’ ୧୫ରୁ ଅନ୍ଏକାଡେମି କେନ୍ଦ୍ର ଏବଂ ଅନ୍ଲାଇନ ପ୍ଲାଟ୍ଫର୍ମ (ଅନ୍ଏକାଡେମି ଆପ୍ ଏବଂ ୱେବ୍ସାଇଟ୍) ରେ ଆରମ୍ଭ ହେବ।