ଭୁବନେଶ୍ୱର,୩୧।୧: ଦେଶର ପ୍ରମୁଖ ଘରୋଇ ବାଣିଜି୍ୟକ ସଂସ୍ଥା ଆର୍ସେଲରମିତ୍ତଲ ପକ୍ଷରୁ ଏକ ମେଗା ସ୍ବାସ୍ଥ୍ୟ ସଚେତନତା ଶିବିର ଆୟୋଜନ କରାଯାଇଥିଲା। ଏପରିକି କେନ୍ଦୁଝର ବ୍ଲଡ ବ୍ୟାଙ୍କ ସହଯୋଗରେ କମ୍ପାନୀର ଠାକୁରାଣୀ ଆଇରନ୍ ଓର ମାଇନ୍ସ ପରିସରରେ ଏକ ରକ୍ତଦାନ ଶିବିର ସାଙ୍ଗକୁ ଉଚ୍ଚ ରକ୍ତଚାପ ଉପରେ ଏକ ସ୍ବାସ୍ଥ୍ୟ ସଚେତନତା ଶିବିର ମଧ୍ୟ ଆୟୋଜିତ ହୋଇଥିଲା। ବିଶେଷକରି କମ୍ପାନୀର ସମସ୍ତ ଅଧିକାରୀ, କର୍ମଚାରୀ, ଶ୍ରମିକ, ଅପରେଟର ଏବଂ ସୁରକ୍ଷାକର୍ମୀମାନେ ମଧ୍ୟ ଉକ୍ତ କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ। ଉକ୍ତ ଶିବିର ଜରିଆରେ ମୋଟ ୫୦ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ଏହି ପରିପ୍ରେକ୍ଷୀରେ ଆର୍ସେଲରମିତ୍ତଲ ଠାକୁରାଣୀ ଆଇରନ୍ ଏବଂ ମାଇନ୍ସର ଜେନେରାଲ ମ୍ୟାନେଜର ପ୍ରମୋଦ ମିଶ୍ର କହିଥିଲେ, ନିୟମିତ ବ୍ୟବଧାନରେ କମ୍ପାନୀ ପକ୍ଷରୁ ବିଭିନ୍ନ ପ୍ରକାରର କାର୍ଯ୍ୟକ୍ରମ କରାଯାଉଛି। ବିଶେଷକରି ଏକ ସୁସ୍ଥ ଜୀବନଯାପନ ପାଇଁ ସ୍ବାସ୍ଥ୍ୟସେବା ଶିବିର ବେଶ୍ ଗୁରୁତ୍ୱ ଅଟେ। ଏପରିକି ସବୁ ବର୍ଗର ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ହେଉଛି ଉକ୍ତ ଶିବିର ଆୟୋଜନର ମୁଖ୍ୟ ଉଦ୍ଦେଶ୍ୟ ବୋଲି ସେ ମତପ୍ରକାଶ କରିଛନ୍ତି। ଏହି ଅବସରରେ ଠାକୁରାଣୀ ଆଇରନ୍ ଓର ମାଇନ୍ସର ଜେନେରାଲ ମ୍ୟାନେଜର ତାପସ ପଣ୍ଡା, ସିଏସ୍ଆର୍ ମ୍ୟାନେଜର ଜଗଦୀଶ ଭୋନାଗିରି, ସେଫ୍ଟି ବିଭାଗ ମୁଖ୍ୟ ପ୍ରମୋଦ ଆଚାର୍ଯ୍ୟ, କଲ୍ୟାଣ ଅଧିକାରୀ ଅନିଲ ରାହୀ,ଏମ୍ଡିଓ ପ୍ରତିନିଧି ତଥା ଡା. ସୁବ୍ରତ ଧଳ ଉପସ୍ଥିତ ଥିଲେ।