ଅହମ୍ମଦାବାଦ,୨୪।୨: ବିଶ୍ୱର ସର୍ବବୃହତ କ୍ରିକେଟ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ବୁଧବାରଠାରୁ ଆରମ୍ଭ ହୋଇଥିବା ତୃତୀୟ ତଥା ଦିବାରାତ୍ର ଟେଷ୍ଟର ପ୍ରଥମ ଇନିଂସରେ ପୂରା ଇଂଲଣ୍ଡ ଦଳକୁ ୧୧୨ ରନରେ ସୀମିତ ରଖିଛନ୍ତି ଭାରତୀୟ ବୋଲରମାନେ। ମୁଖ୍ୟତଃ ଦୁଇ ସ୍ପିନର ଅକ୍ଷର ପଟେଲ ଓ ରବିଚନ୍ଦ୍ରନ ଅଶ୍ୱିନ। ଲୋକାଲ ଖେଳାଳି ଅକ୍ଷର ୬ ଉଇକେଟ ସଫଳତା ହାତେଇଥିବାବେଳେ ଅଶ୍ୱିନଙ୍କ ଭାଗରେ ୩ ଓ ୧୦୦ତମ ଟେଷ୍ଟ ଖେଳୁଥିବା ଈଶାନ୍ତଙ୍କ ଭାଗରେ ୧ ଉଇକେଟ ପଡ଼ିଛି।
ଇଂଲଣ୍ଡ ବ୍ୟାଟ୍ସମ୍ୟାନଙ୍କ ମଧ୍ୟରେ ଜ୍ୟାକ କ୍ରାଉଲେ(୫୩)ଙ୍କୁ ଛାଡ଼ି ଦେଲେ ଅନ୍ୟ କେହି କ୍ରିଜରେ ଅଧିକ ସମୟ ତିଷ୍ଠି ପାରି ନ ଥିଲେ। ଅଧିନାୟକ ଜୋ ରୁଟ (୧୭), ବେନ ଫୋକ୍ସ (୧୨) ଓ ଜୋଫ୍ରା ଆର୍ଚ୍ଚର (୧୧)ଙ୍କୁ ବ୍ୟତୀତ ଅନ୍ୟ କୌଣସି ଖେଳାଳି ଛୁଇଁ ପାରି ନ ଥିଲେ ଦୁଇ ଅଙ୍କ ସ୍କୋର।