ଚେନ୍ନାଇ,୧୬।୨: ମଙ୍ଗଳବାର ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟରେ ଗୋଟିଏ ପାଳିରେ ୫ ଉଇକେଟ ନେଇ ସ୍ପେଶାଲ କ୍ଲବରେ ସ୍ଥାନ ହାସଲ କରିଛନ୍ତି ଭାରତୀୟ ସ୍ପିନର ଅକ୍ଷର ପଟେଲ। ନିଜର ଡେବ୍ୟୁ ମ୍ୟାଚ୍ରେ ୫ ଉଇକେଟ ନେଇଥିବା ୯ମ ଭାରତୀୟ ଖେଳାଳି ସେ ପାଲଟିଛନ୍ତି। ଏହାଛଡ଼ା ସେ ଦୀଲିପ ଦୋଷୀଙ୍କ ପରେ ଡେବ୍ୟୁ ମ୍ୟାଚ୍ରେ ଏହି ସଫଳତା ପାଇଥିବା ଦ୍ୱିତୀୟ ବାମହାତୀ ସ୍ପିନର ମଧ୍ୟ ପାଲଟିଛନ୍ତି। ୧୯୭୯ରେ ଚେନ୍ନାଇରେ ଅଷ୍ଟ୍ରେଲିଆ ବିପକ୍ଷରେ ସେ ନିଜର ଡେବ୍ୟୁ କରିଥିଲେ। ଏଥିରେ ସେ ଏହି ସଫଳତା ହାସଲ କରିଥିଲେ।
ପ୍ରକାଶ ଯେ, ନିଜର ଡେବ୍ୟୁ ମ୍ୟାଚ୍ରେ ୫ ଉଇକେଟ ନେଇଥିବା ପ୍ରଥମ ଭାରତୀୟ ସ୍ପିନର ଥିଲେ ବିବି କୁମାର। ସେ ପାକିସ୍ତାନ ବିପକ୍ଷରେ ଏହି ସଫଳତା ହାସଲ କରିଥିଲେ। ତାଙ୍କ ପରେ ଦୀଲିପ ଦୋଶି ଅଷ୍ଟ୍ରେଲିଆ ବିପକ୍ଷରେ ୧୦୩ ରନ୍ ଦେଇ ୬ ଉଇକେଟ ନେଇଥିଲେ। ପରେ ନରେନ୍ଦ୍ର ହିରଓ୍ବାନୀ, ଅମିତ ମିଶ୍ରା ପ୍ରମୁଖ ଏହି ସଫଳତା ପାଇଛନ୍ତି। ଏହାଛଡ଼ା ଷ୍ଟାର ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ ମଧ୍ୟ ନିଜ ପଦାର୍ପଣ ମ୍ୟାଚ୍ରେ ୫ ଉଇକେଟ ନେଇଥିଲେ। ଦିଲ୍ଲୀରେ ଓ୍ବେଷ୍ଟଇଣ୍ଡିଜ୍ ବିପକ୍ଷ ମ୍ୟାଚ୍ରେ ସେ ୪୭ ରନ୍ ଦେଇ ୬ ଉଇକେଟ ନେଇଥିଲେ।