ନୂଆଦିଲ୍ଲୀ,୧୧ା୩: ଆକ୍ସିସ୍ ବ୍ୟାଙ୍କ ଏବଂ ଆଇଟିସି ଲିମିଟେଡ୍ ମଧ୍ୟରେ ଏକ ଦ୍ୱିପାକ୍ଷିକ ବାଣିଜି୍ୟକ ସହଯୋଗିତା ସ୍ଥାପନ ହୋଇଥିବା ଜଣାପଡ଼ିଛି। ଏପରିକି ଦେଶର ଦୁର୍ଗମ ଅଞ୍ଚଳରେ ବସବାସ କରୁଥିବା ଚାଷୀଙ୍କ ପାଖରେ ଠିକ୍ ଭାବେ ବ୍ୟାଙ୍କ ସେବା ପହଞ୍ଚି ପାରୁନାହିଁ କିମ୍ବା ଆଦୌ ପହଞ୍ଚି ନାହିଁ। ସେମାନଙ୍କ ଆର୍ଥିକ ଆବଶ୍ୟକତା ପୂରଣ କରିବା ଲାଗି ଆକ୍ସିସ୍ ବ୍ୟାଙ୍କକୁ ଏହି ସହଯୋଗିତା ସକ୍ଷମ କରିବ। ସେହିଭଳି ଚାଷୀମାନଙ୍କ ପାଖରେ ପହଞ୍ଚିବା ଓ ସେମାନଙ୍କ ଆର୍ଥିକ ଆବଶ୍ୟକତା ପୂରଣ କରିବା ଲାଗି ଆକ୍ସିସ୍ ବ୍ୟାଙ୍କ ଏଗ୍ରି-ଟେକ୍ ଆପ୍ଲିକେସନ ଆଇଟିସି ମେଟା ମାର୍କେଟ ଫର୍ ଆଡଭାନ୍ସଡ୍ ଏଗ୍ରିକଲ୍ଚରାଲ ରୁରାଲ୍ ସର୍ଭିସେସ୍ (ଆଇଟିସି ଏମ୍ଏଏଆର୍ଏସ୍)କୁ ବ୍ୟବହାର କରିବ। ଭାରତର ଗ୍ରାମାଞ୍ଚଳ ଓ ଅର୍ଦ୍ଧ ସହରାଞ୍ଚଳର ୬୫୬ ଜିଲାରେ ଥିବା ଶାଖା ଜରିଆରେ ମଧ୍ୟ ବ୍ୟାଙ୍କ ପକ୍ଷରୁ ଚାଷୀମାନଙ୍କୁ ଉତ୍ପାଦ ଓ ସେବା ପ୍ରଦାନ କରାଯିବ। ଆକ୍ସିସ୍ ବ୍ୟାଙ୍କର ଗ୍ରୁପ୍ ଏକ୍ଜିକ୍ୟୁଟିଭ୍ ଓ ହେଡ୍-ଭାରତ ବ୍ୟାଙ୍କିଙ୍ଗ୍ ମୁନୀସ ଶାରଦା କହିଛନ୍ତି, ଗ୍ରାମାଞ୍ଚଳ ଓ ଅର୍ଦ୍ଧ ସହରାଞ୍ଚଳରେ ରହୁଥିବା ସବୁ ବର୍ଗର ଗ୍ରାହକଙ୍କ ପାଖରେ ଯେଭଳି ସହଜରେ ଋଣ ସୁବିଧା ଓ ବ୍ୟାଙ୍କିଙ୍ଗ୍ ସମାଧାନ ପହଞ୍ଚି ପାରିବ ତାହା ନିଶ୍ଚିତ କରିବା ଲାଗି ଆମେ ଆକ୍ସିସ୍ ବ୍ୟାଙ୍କରେ ନିରବଚ୍ଛିନ୍ନ ଭାବେ କାର୍ଯ୍ୟ କରୁଛୁ। ଦୁର୍ଗମ ଅଞ୍ଚଳରେ ପହଞ୍ଚି ଓ ଗ୍ରାହକମାନଙ୍କୁ ନିରବଚ୍ଛିନ୍ନ ଅନୁଭୂତି ପ୍ରଦାନ କରିବା ଲାଗି ଆମର ରହିଥିବା ଭାରତ ବ୍ୟାଙ୍କିଙ୍ଗ୍ ମିଶନ ଅନୁସାରେ ଏହି ସହଯୋଗିତା ସ୍ଥାପନ କରାଯାଇଛି। ନିୟୁତାଧିକ ଗ୍ରାହକଙ୍କ ସହ ଆଇଟିସି ଏମ୍ଏଏଆର୍ଏସ୍ ଦୃଢ଼ ସମ୍ପର୍କକୁ ନେଇ ଆମର ବିଶ୍ୱାସ ରହିଛି ଯେ ଆମେ ଏହି ବର୍ଗର ଲୋକଙ୍କ ଆର୍ଥିକ ସ୍ଥିତିରେ ଉନ୍ନତି ଆଣିବାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇପାରିବୁ। ସେହିଭଳି ଆଇଟିସି ଲିମିଟେଡ୍ର ଡିଭିଜନାଲ ଚିଫ୍ ଏକଜିକ୍ୟୁଟିଭ୍-ଏଗ୍ରି ବିଜ୍ନେସ୍ ଡିଭିଜନ୍ ରଜନୀକାନ୍ତ ରାଏ କହିଛନ୍ତି, ୪ ନିୟୁତରୁ ଅଧିକ ଚାଷୀଙ୍କୁ ଯୋଡ଼ୁଥିବା ଆଇଟିସିର ଇ-ଚୌପାଲ ବ୍ୟବସ୍ଥାକୁ ନେଇ ବିଗତ କିଛି ବର୍ଷରେ ଚାଷୀମାନଙ୍କ ଜୀବନକୁ ରୂପାନ୍ତରିତ କରିବା ଲାଗି ଆଇଟିସି ବିବିଧ-ଦିଗ ପଦକ୍ଷେପର ନେତୃତ୍ୱ ନେଉଛି।