ନୂଆଦିଲ୍ଲୀ,୨୨ା୧୦: ଆକ୍ସିସ୍ ବ୍ୟାଙ୍କ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକ ଆର୍ଥିକ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ବ୍ୟାଙ୍କର ନେଟ୍ ଲାଭ ୭୦% ବୃଦ୍ଧି ପାଇ ୫,୩୩୦ କୋଟି ଟଙ୍କା ହୋଇଛି। ବିଶେଷକରି ୨୦୨୧-୨୨ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକରେ ତା’ର ପରିମାଣ ୩,୧୩୩ କୋଟି ଟଙ୍କା ଥିଲା। ସେହିଭଳି ବ୍ୟାଙ୍କ୍ ନେଟ୍ ସୁଧ ଆୟ ୩୧% ବୃଦ୍ଧି ପାଇ ୧୦,୩୬୦ କୋଟି ଟଙ୍କା ହୋଇଛି। ଗତ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକରେ ତାହା ୯,୩୮୪ କୋଟି ଟଙ୍କା ଥିଲା। ବ୍ୟାଙ୍କର ନେଟ୍ ସୁଧ ମାର୍ଜିନ ୩.୯୬% ବୃଦ୍ଧି ପାଇଛି। କାସା ଅନୁପାତ ୪୬% ରହିଛି। ବ୍ୟାଙ୍କର ପରିଚାଳନା ରାଜସ୍ବ ୨୨% ବୃଦ୍ଧି ପାଇ ୧୪,୩୦୧ କୋଟି ଟଙ୍କା ହୋଇଛି। ଗତ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସିକରେ ୧୧,୬୯୯ କୋଟି ଟଙ୍କା ଥିଲା। ସେହିପରି ୨୦୨୨ସେପ୍ଟେମ୍ବର ୩୦ ସୁଦ୍ଧା ବ୍ୟାଙ୍କ୍ର ମୋଟ୍ ଏନ୍ପିଏ ଓ ନେଟ୍ ଏନ୍ପିଏ ହାର ଯଥାକ୍ରମେ ୨.୫୦% ଓ ୦.୫୧% ରହିଛି। ବ୍ୟାଙ୍କର ଫି’ରୁ ଆୟ ୨୦% ବୃଦ୍ଧି ପାଇ ୩,୮୬୨ କୋଟି ଟଙ୍କା ହୋଇଛି। ରିଟେଲ୍ ଫି’ରେ ୨୮% ବୃଦ୍ଧି ହୋଇଛି ଓ ବ୍ୟାଙ୍କ୍ର ମୋଟ ଫି’ରେ ତାହାର ଭାଗ ୬୮% ରହିଛି। ବ୍ୟାଙ୍କ୍ର ମୋଟ ପୁଞ୍ଜି ସ୍ବଚ୍ଛଳତା ହାର ୧୭.୭୨% ରହିଛି।
ଏ ସମ୍ପର୍କରେ ଆକ୍ସିସ୍ ବ୍ୟାଙ୍କର ଏମ୍ଡି ତଥା ସିଇଓ ଅମିତାଭ ଚୌଧୁରୀ କହିଛନ୍ତି, ଗତ ବର୍ଷକ ମଧ୍ୟରେ ଆମେ ସମସ୍ତ ଚିହ୍ନିତ ଅଗ୍ରାଧିକାର କ୍ଷେତ୍ରରେ ଉଲ୍ଲେଖନୀୟ ଉନ୍ନତି ହାସଲ କରିଛୁ। ଗ୍ରାହକ ଓ ଡିଜିଟାଇଜେଶନ ଉପରେ ଗୁରୁତ୍ୱ ଆମର ଅଭିବୃଦ୍ଧିକୁ ତ୍ୱରାନ୍ବିତ କରିଛି।