ସଉକ ବଡ଼ କଥା। କିଛି ଲୋକ ରେକର୍ଡ ନିଶାରେ ଅଜବ ସଉକ ଆପଣାଇଥାନ୍ତି। ସେଭଳି ଜଣେ ଥିଲେ ଆମେରିକାର ଟେକ୍ସାସ୍ ସହରରେ ରହୁଥିବ ଅୟାନା ଓ୍ବିଲିୟମ୍ସ। ନଖ ବଢ଼ାଇବା ଅୟାନାଙ୍କ ସଉକ ଥିଲା। ସେ ଦୀର୍ଘ ବର୍ଷ ଧରି ନଖ ବଢ଼ାଇ ଗିନିଜ ଓ୍ବାଲର୍ଡ ରେକର୍ଡ ଟାଇଟଲ ଜିତିଥିଲେ। ଏବେ ୩୦ ବର୍ଷ ପରେ ସେ ନିଜର ନଖ କାଟିଛନ୍ତି।
୨୦୧୭ରେ ଅୟାନା ସବୁଠାରୁ ଲମ୍ବା ନଖ ରଖିଥିବା ମହିଳା ଭାବେ ରେକର୍ଡ କରିଥିଲେ। ସେତେବେଳେ ତାଙ୍କ ନଖର ଲମ୍ବ ଥିଲା ୧୯ ଫୁଟ ଏବଂ ୧୦.୯ ଇଞ୍ଚ। ଏହାକୁ ରଙ୍ଗ କରିବା ଲାଗି ତାଙ୍କୁ ନେଲ୍ପୋଲିସର ଅନେକ ବୋତଲର ଆବଶ୍ୟକତା ପଡ଼ୁଥିଲା। ହେଲେ ବୁଧବାର ସେ ନିଜର ନଖ କାଟିବାକୁ ନିଷ୍ପତ୍ତି ନେଇଥିଲେ। ସେତେବେଳେ ମଧ୍ୟ ସେ ଆଉ ଏକ ରେକର୍ଡ କରିଛନ୍ତି। କାରଣ କାଟିବା ସମୟରେ ତାଙ୍କ ନଖ ୨୪ ଫୁଟ ଲମ୍ବ ଏବଂ.୭ ଇଞ୍ଚ ଥିଲା। ଡା. ଆଲିସନ ରିଡିଙ୍ଗର ଏବଂ ତ୍ରିନିଟା ଭିସ୍ତା ନଖ ଗୁଡ଼ିକୁ କାଟିଥିଲେ। ଏଥିପାଇଁ ସ୍ବତନ୍ତ୍ର ଉପକରଣ ବ୍ୟବହାର କରାଯାଇଥିଲା।
୧୯୯୦ ମସିହାରୁ ନଖ ବଢ଼ାଇବାକୁ ନିଶ୍ଚିତ କରିଥିଲେ ଅୟାନା। ଏବେ ସେ ଏହାକୁ କାଟିବା ବେଳେ ଭାବବିହ୍ବଳ ହୋଇପଡ଼ିଥିଲେ। ନଖ ଥାଉ କି ନ ଥାଉ ସେ ପୂର୍ବ ଭଳି ରାଣୀ ହୋଇ ରହିବେ। ଏହାଛଡ଼ା ନଖ ପାଇଁ ସେ ନୁହନ୍ତି ବରଂ ତାଙ୍କ ପାଇଁ ନଖ ଖ୍ୟାତି ଅର୍ଜନ କରିଛି ବୋଲି ସେ କହିଛନ୍ତି। ତାଙ୍କ ନଖ କଟା ଯିବା ବେଳର ଏକ ଭିଡିଓ ଗିନିଜ ଓ୍ବାଲ୍ଡ ରେକର୍ଡ ଦ୍ୱାରା ଇନ୍ଷ୍ଟାଗ୍ରାମରେ ଶେୟାର କରାଯାଇଛି।
View this post on Instagram
