ନୂଆଦିଲ୍ଲୀ,୨୯।୮: ଦେଶର ପ୍ରମୁଖ ଘରୋଇ ଆୟୁର୍ବେଦିକ ସଂସ୍ଥା ଦିଭିସା ହର୍ବାଲ୍ସ ପ୍ରାଇଭେଟ ଲିମିଟେଡର ଅଗ୍ରଣୀ ବ୍ରାଣ୍ଡ୍ ଆଇମନ୍ତ୍ରା ବଲିଉଡ ଚଳଚ୍ଚିତ୍ର ଡ୍ରିମ୍ ଗାର୍ଲ ୨ ସହ ଦ୍ୱିପାକ୍ଷିକ ବୁଝାମଣା କରିଛି। ଉକ୍ତ ବୁଝାମଣା ଅନୁଯାୟୀ ଆଇମନ୍ତ୍ରା ଡ୍ରିମ୍ ଗାର୍ଲ ୨ ପ୍ରଚାର ପ୍ରସାର କରିବ। ଉଲ୍ଲେଖଯୋଗ୍ୟ, ଜଣାଶୁଣା ଚଳଚ୍ଚିତ୍ର ନିର୍ଦ୍ଦେଶକ ରାଜ ସାଣ୍ଡିଲ୍ୟ ନିର୍ଦ୍ଦେଶିତ ବଲିଉଡ ଚଳଚ୍ଚିତ୍ର (ହିନ୍ଦୀ ଫିଲ୍ମ) ଡ୍ରିମ୍ ଗାର୍ଲ ୨ ଏକ ଭିନ୍ନ ଧରଣର ପାରିବାରିକ କାହାଣୀ ହୋଇଥିବାବେଳେ ଏଥିରେ ଫୁଲ କମେଡି, ଇମୋଶନ ଓ ଡ୍ରାମା ଅନ୍ତର୍ଭୁକ୍ତ। ଉକ୍ତ ଚଳଚ୍ଚିତ୍ରରେ ଆୟୁଷା୍ମନ ଖୁରାନା, ଅନନ୍ୟା ପାଣ୍ଡେ, ପରେଶ ରାଓ୍ବଲ, ଅନୁ କପୁର , ରାଜପାଲ ଯାଦବ ଏବଂ ଅଭିଷେକ ବାନାର୍ଜୀ ଓ ଅନ୍ୟମାନେ ଅଭିନୟ କରିଛନ୍ତି। ଏ ସମ୍ପର୍କରେ ଦିଭିସା ହର୍ବାଲ୍ସ ପ୍ରାଇଭେଟ ଲିମିଟେଡର ପ୍ରତିଷ୍ଠାତା ତଥା ଏମ୍ଡି ଡ. ସଞ୍ଜୀବ ଜୁନେଜା କହିଛନ୍ତି, ଆମେ ଡ୍ରିମ୍ ଗାର୍ଲ ୨ ସହ ଜଡିତ ହୋଇ ବେଶ୍ ଉତ୍ସାହିତ ଅଛୁ। ଏପରିକି ଆଇମନ୍ତ୍ରାର ଆୟୁର୍ବେଦିକ ଆଇ ଡ୍ରପ୍ସର ପ୍ରଚାର ଓ ପ୍ରସାର ହେବ। ଫଳରେ ଉଭୟ ସଂସ୍ଥାର କାରବାର ବୃଦ୍ଧି ସହ ଆଇମନ୍ତ୍ରାର ପ୍ରଡକ୍ଟଗୁଡିକର ଗୁଣବତ୍ତା ଆଦି ସମ୍ପର୍କରେ ବ୍ୟାପକ ସଚେତନତା ମଧ୍ୟ ଚଳଚ୍ଚିତ୍ର ଜରିଆରେ କରାଯିବ ବୋଲି ସେ ମତପ୍ରକାଶ କରିଛନ୍ତି।