ଲକ୍ଷ୍ନୌ,୧୧।୧୧: ଚଳିତ ବର୍ଷ ଅଯୋଧ୍ୟାରେ ଜଳିବ ୧୪ ଲକ୍ଷ ଦୀପ। ଦୀପାବଳିକୁ ବେଶ ଭବ୍ୟ କରିବା ଲାଗି ଉତ୍ତର ପ୍ରଦେଶ ପର୍ଯ୍ୟଟନ ବିଭାଗ ଏଭଳି ପ୍ରସ୍ତୁତି କରି ବିଶ୍ୱ ରେକର୍ଡ କରିବାର ଯୋଜନା କରୁଛି। ତେବେ ଏହି କାର୍ଯ୍ୟକ୍ରମରେ ସାଧାରଣଲୋକେ ଘରେ ଥାଇ ମଧ୍ୟ ଭାଗ ନେଇପାରିବେ। ଏଥିଲାଗି ବିଭାଗ ପକ୍ଷରୁ ‘ହୋଲି ଅଯୋଧ୍ୟା(Holy Ayodhya) ଆପ୍ ମାଧ୍ୟମରେ ନିଜ ନାମରେ ଦୀପକୁ ବୁକିଂ କରିବା ଲାଗି କୁହାଯାଇଛି।
‘ହୋଲି ଅଯୋଧ୍ୟା’ ମୋବାଇଲ ଆପ୍ରେ ଗୋଟିଏରୁ ଆରମ୍ଭ କରି ୫୧ ଦୀପ ଦାନ ଦେଇପାରିବେ। ଗୋଟିଏ ଦୀପ ଲାଗି ୧୦୧ ଟଙ୍କା ଖର୍ଚ୍ଚ କରିବାକୁ ହେବ। ୧୧ ଦୀପ ଲାଗି ୨୫୧ ଟଙ୍କା, ୨୧ ଦୀପ ଲାଗି ୫୦୧ ଏବଂ ୫୧ ଦୀପ ଲାଗି ୧୧୦୦ ଟଙ୍କା ଅନ୍ଲାଇନ୍ରେ ଦେଇପାରିବେ।
ପର୍ଯ୍ୟଟନ ବିଭାଗ ପକ୍ଷରୁ ପ୍ରସ୍ତୁତ ଆପ୍ ଆଣ୍ଡ୍ରୋଏଡ୍ ଏବଂ ଆପଲ୍ ପ୍ଲାଟଫର୍ମରେ ଉପଲବ୍ଧ। ଏହାକୁ ଯେକେହି ଡାଉନ୍ଲୋଡ କରି ଗୋଟିଏ କିମ୍ବା ତହିଁରୁ ଅଧିକ ଦୀପ ନିଜ ନାମରେ ବୁକ୍ କରିପାରିବ। ଦୀପାବଳି ପରେ ପର୍ଯ୍ୟଟନ ବିଭାଗ ଦୀପ ଦାନ କରିଥିବା ବ୍ୟକ୍ତିଙ୍କ ଠିକଣାରେ ଉକ୍ତ ଦୀପ ଏବଂ ସରୟୁ ନଦୀର ଜଳ ପ୍ରସାଦ ରୂପେ ପଠାଇବ। ତେବେ କେବଳ ଦେଶରେ ନୁହେଁ ବିଦେଶରେ ରହୁଥିବା ଲୋକ ମଧ୍ୟ ଏହି ଦୀପାବଳିରେ ଆପ୍ ମାଧ୍ୟମରେ ଦୀପଦାନ କରିପାରିବେ।