ବମ୍ବେ: ନିଜର ନିଖୁଣ ଅଭିନୟ ଦ୍ୱାରା ବଲିଉଡ୍ରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ଅଭିନେତା ଆୟୁଷ୍ମାନ ଖୁରାନ୍ନା। ସେ ସର୍ବଦା ନିଜର ସଫଳତାର ଶ୍ରେୟ ଦେଇଥାନ୍ତି ପିତାଙ୍କୁ। ବିଶ୍ୱ ପିତୃ ଦିବସ ଅବସରରେ ବାପାଙ୍କର ଏକ ଫଟୋ ଶେୟାର କରି ଭାବବିହ୍ବଳ ପୋଷ୍ଟ ଲେଖିଥିଲେ। ଏହା ତାଙ୍କ ନାମକୁ ନେଇ ଏକ ବଡ଼ ଖୁଲାସା କରିଛି।
ଆୟୁଷ୍ମାନ ନିଜ ନାମରେ ଦୁଇଥର ଏନ୍ ଏବଂ ଆର୍ ଲେଖିଥାନ୍ତି। ଏହା ପଛରେ ଏକ କାହାଣୀ ରହିଛି। ସେଇଟି ହେଲା ତାଙ୍କ ପିତାଙ୍କ ଇଚ୍ଛା। ଆଇନ୍ ପାଠ ପଢ଼ିଥିଲେ ହେଁ ଅଭିନେତାଙ୍କ ବାପା ଜ୍ୟୋତିଷଶାସ୍ତ୍ରରେ ରୁଚି ରଖିଥିଲେ। ଏହି କାରଣରୁ ଆୟୁଷ୍ମାନଙ୍କ ନାମ ସେ ବଦଳାଇଥିଲେ। ଏହାଛଡ଼ା ନିଜ ହାତରେ ନିଜ ଭାଗ୍ୟ ଲେଖିବାର କ୍ଷମତା ଆମ ହାତରେ ରହିଛି। ଭଲ
କର୍ମ କଲେ ଆପଣ ନିଜର ଭାଗ୍ୟ ବଦଳାଇପାରିବେ ବୋଲି ବାପା ଶିକ୍ଷା ଦେଇଥିବା ସେ କହିଛନ୍ତି।
ଚଳଚ୍ଚିତ୍ର ବିଷୟରେ କଥା ହେଲେ ଆୟୁଷ୍ମାନ ଆଗାମୀ ଦିନରେ ‘ଚଣ୍ଡିଗଡ଼ କି ଆଶିକି’, ‘ଅନେକ’, ‘ଡାକ୍ତର’ ଭଳି ଫିଲ୍ମରେ ନଜର ଆସିବେ।
