ନୂଆଦିଲ୍ଲୀ,୨।୬: ଦୀର୍ଘଦିନ ଧରି କୁସ୍ତିଯୋଦ୍ଧାମାନେ ବ୍ରିଜ୍ ଭୂଷଣଙ୍କ ବିରୋଧରେ ଯନ୍ତରମନ୍ତରରେ ଧାରଣା ଦେଉଛନ୍ତି। ତେବେ ଏହାକୁ ବହୁ ବିରୋଧୀ ସମେତ ବହୁ ରାଜନେତା ଏବଂ ଅଭିନେତା ସମର୍ଥନ କରିଛନ୍ତି। ବ୍ରିଜ୍ ଭୂଷଣଙ୍କ ବିରୋଧରେ ସରକାର କାର୍ଯ୍ୟାନୁଷ୍ଠାନ ନେବାରେ ବିଳମ୍ବ କରିଛନ୍ତି ବୋଲି ବହୁଜଣ ସରକାରଙ୍କୁ ଟାର୍ଗେଟ୍ କରିଛନ୍ତି। ଏମଧ୍ୟରେ ବଲିଉଡ ଅଭିନେତା ଆୟୁଷ୍ମନ ଖୁରାନାଙ୍କ ସ୍ତ୍ରୀ ତାହିରା କଶ୍ୟପ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି। ଭିଡିଓରେ ସେ କବିତା ମାଧ୍ୟମରେ କୁସ୍ତିଯୋଦ୍ଧାଙ୍କୁ ସମର୍ଥନ କରିଛନ୍ତି।
View this post on Instagram
କବିତା ମାଧ୍ୟମରେ ସେ କହିଛନ୍ତି, ମୁଁ କେବେ ନିଜ ଝିଅ ଏବଂ ଅନ୍ୟ ଝିଅ ମଧ୍ୟରେ ପାତର ଅନ୍ତର କରେ ନାହିଁ। ଏହି ଯୋଦ୍ଧାମାନେ ଆମ ଦେଶର ହୀରା ଅଟନ୍ତି। ମୋ ପୁରା ପରିବାର ଦେଶର କୁସ୍ତିଯୋଦ୍ଧାଙ୍କ ଠାରୁ ପ୍ରେରଣା ପାଇଥାଏ। ମୋ ଝିଅ ଦେଶ ପାଇଁ ପଦକ ଆଣି ପରିବାର ସହ ଦେଶକୁ ମଧ୍ୟ ଗୌରାବନିତ୍ୱ କରିବାକୁ ଇଛା ରଖିଛି।
ସେ ଆହୁରି କହିଛନ୍ତି, ଥରେ ମୋ ଝିଅ ଖବରକାଗଜ ପଢୁଥିଲା। ସେହି ସମୟରେ ମୁଁ ତୁରନ୍ତ ତା’ଠାରୁ ଖବରକାଗଜ ଛଡାଇ ଆଣିଲି। କାରଣ ମୁଁ ଚାହୁଁ ନ ଥିଲି ଯେ, ଆମ ଦେଶର ଗୌରବଙ୍କ ସହ ଏବେ ଯାହା ବି ହେଉଛି ସେ ଏସବୁ ଦେଖୁ।
Shameful that our top International athletes are forced to protest on streets against sexual harassment but accused BJP MP is being consistently shielded by the govt. #IStandWithMyChampions
Sack & investigate #BrijBhushanSharanSingh pic.twitter.com/XgndfzIzAT— Swara Bhasker (@ReallySwara) April 28, 2023
ସେହିପରି ସ୍ବରା ଭାସ୍କର କୁସ୍ତିଯୋଦ୍ଧାଙ୍କୁ ନେଇ ଟ୍ବିଟର୍ରେ ଭିଡିଓ ସେୟାର୍ କରିଛନ୍ତି। ସେ କହିଛନ୍ତି, ଆମ ଅର୍ନ୍ତରାଷ୍ଟ୍ରୀୟ ଖେଳାଳୀ ଯୌନ ଉତ୍ପୀଡନ ମାମଲାରେ ରାସ୍ତାରେ ଧାରଣା ଦେବାକୁ ବାଧ୍ୟ ହେଉଛନ୍ତି। ଏହା ଅତ୍ୟନ୍ତ ଲଜ୍ଜ୍ୟାଜନକ। କିନ୍ତୁ ଅଭିଯୁକ୍ତ ଭାଜପା ସାଂସଦ ସରକାରଙ୍କ ଛାୟାରେ ସୁରକ୍ଷିତ ଅଛି। ଏନେଇ ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଉ।
View this post on Instagram
ଏଥିସହ ତୋଭିନୋ ଥୋମାସ, କମଲ ହାସନ, ପ୍ରକାଶ ରାଜ ଏବଂ ସୋନୁ ସୁଦ୍ ମଧ୍ୟ ଏହି ମାମଲାରେ ପୋଲିସ୍ର କାର୍ଯ୍ୟାନୁଷ୍ଠାନ ନେଇ ନିନ୍ଦା କରିଛନ୍ତି।
