ଲକ୍ଷ୍ନୌ,୨୭।୧୦: ଉତ୍ତେଜନାମୂଳକ ଭାଷଣ ମାମଲାରେ ସମାଜବାଦୀ ନେତା ଆଜମ ଖାନ୍ଙ୍କୁ ରାମପୁର ଏମ୍ପି-ଏମ୍ଏଲ୍ଏ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି। ୨୦୧୯ ଲୋକ ସଭା ନିର୍ବାଚନରେ ଦିଆଯାଇଥିବା ଉତ୍ତେଜନାମୂଳକ ଭାଷଣ ପାଇଁ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରି ୩ବର୍ଷ ଜେଲ ଦଣ୍ଡାଦେଶ ସହ ୨୫ହଜାର ଟଙ୍କା ଜରିମାନା ଲଗାଇଛନ୍ତି। ତେବେ ଦଣ୍ଡାଦେଶ ଘୋଷଣା ହେବାର କିଛି ସମୟ ପରେ ଆଜମ ଖାନ୍ଙ୍କୁ ଜାମିନ ମିଳିଛି। କୋର୍ଟରୁ ବାହାରିବା ପରେ ଖାନଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି। ସେ କହିଛନ୍ତି, ମୁଁ ଜାମିନରେ ବାହାରକୁ ଆସିଛି, ନ୍ୟାୟ ଉପରେ ବିଶ୍ୱାସ ରହିଛି। ମୁଁ ସାହସ ହାରି ନାହିଁ, ବର୍ତ୍ତମାନ ଅନେକ ଦ୍ୱାର ଖୋଲାଅଛି। ସଂଗ୍ରାମ ଜାରି ରହିବ। ବର୍ତ୍ତମାନ ଆଇନଗତ ରାସ୍ତା ଖୋଲାଅଛି। ମୁଁ ଉପର କୋର୍ଟରେ ଆବେଦନ କରିବି ବୋଲି ଆଜମ କହିଛନ୍ତି।