ଆଜମଗଡ,୧୦।୯: କରୋନାକୁ ମାତ୍ର ୯ ଦିନରେ ହରାଇଲେ ୧୦୮ ବର୍ଷୀୟା ମହିଳା। ଆଜମଗଡ ମେଡିକାଲ କଲେଜର ଡାକ୍ତରଙ୍କ ପରିଶ୍ରମରେ ଦୁଲାରୀ ଦେବୀ ନାମକ ଜଣେ ମହିଳା କରୋନାରୁ ସୁସ୍ଥ ହୋଇଛନ୍ତି। ଆଜମଗଡ ମେଡିକାଲ କଲେଜର ଡେପୁଟି ପ୍ରିନ୍ସପାଲ ଡା. ରାଜେଶ କୁମାର ଏବଂ ଡା. ଦୀପକ ପାଣ୍ଡେ ଦୁଲାରୀ ଦେବୀଙ୍କୁ ବେଡ୍ରୁ ବାହାରକୁ ଆସିବା ପରେ ସ୍ବାଗତ କରିଥିଲେ। ସେ ଏବେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ନିଜ ପରିବାର ସହିତ ଘରକୁ ଯାଇଛନ୍ତି। ପୁନର୍ବାର ସଂକ୍ରମିତ ନ ହେବା ପାଇଁ ଡାକ୍ତରମାନେ ବିଶେଷ ଧ୍ୟାନ ଦେବାକୁ କହିଛନ୍ତି।
ରାଜକୀୟ ମେଡିକାଲ କଲେଜର ଚକ୍ରପାନପୁର କରୋନା ୱାର୍ଡର ନୋଡାଲ ପ୍ରଭାରୀ ଡା. ନିଆଜ ହାସନ କହିଛନ୍ତି ଯେ, ବାଲିଆର ଦୁଲାରୀ ଦେବୀ କାଶ ଏବଂ ଥଣ୍ଡା ଏବଂ ଜ୍ୱର ଯୋଗୁ କରୋନା ପରୀକ୍ଷା କରିଥିଲେ। ରିପୋର୍ଟ ପଜିଟିଭ୍ ଆସିବା ପରେ ତାଙ୍କୁ ଅଗଷ୍ଟ ୩୧ରେ ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ଏହି ସମୟ ମଧ୍ୟରେ ପରିବାର ଏବଂ ଡାକ୍ତରମାନେ ତାଙ୍କୁ ଉତ୍ସାହିତ କରିଥିଲେ। ଡାକ୍ତରଙ୍କ କଠିନ ପରିଶ୍ରମ ହେତୁ ସେପ୍ଟେମ୍ବର ୯ରେ ହୋଇଥିବା ତାଙ୍କ ରିପୋର୍ଟ ନେଗେଟିଭ୍ ଆସିଥିଲା।