ୟେରୱାନ, କାବୁ,୫ ।୮: ୟୁକ୍ରେନ ଓ ତାଇୱାନ ଅଞ୍ଚଳରେ ବଢି ଚାଲିଥିବା ଉତ୍ତେଜନା ମଧ୍ୟରେ ମଧ୍ୟ ଏସିଆ ଦେଶ ଅଜରବେଜାନ ଓ ଆର୍ମିନିଆରେ ବି ଉତ୍ତେଜନା ଦେଖାଦେଇଛି । ଅଜରବେଜାନକୁ ତୁର୍କିରୁ ମିଳିଥିବା ଘାତକ ବୟାରକତାର ଡ୍ରୋନ୍ ସହାୟତାରେ ଆର୍ମିନିଆର ଅଧିକାଂଶ ଅସ୍ତ୍ରକୁ ନଷ୍ଟ କରି ଦିଆଯାଇଛି । ଏହାସହ ନାଗର୍ନୋ-କରାବାଖର କିଛି ଅଞ୍ଚଳକୁ ଅଜରବେଜାନ ନିଜ ଅଧିନକୁ ନେଇଯାଇଛି ।
ଦୁଇ ଦେଶ ମଧ୍ୟରେ ଅସ୍ତ୍ରବିରତି କରୁଥିବା ରୁଷିଆ ଅଭିଯୋଗ କରିଛି କି ଅଜରବେଜାନ ନାଗାର୍ନୋ-କରାବାଖର ବିବାଦୀୟ ଅଞ୍ଚଳରେ ଅସ୍ତ୍ର ବିରତିର ଉଲ୍ଲଂଘନ କରିଛି । ଏହା ପୂର୍ବରୁ ଅଜରବେଜାନ ଅଭିଯୋଗ କରିଥିଲା କି ଆର୍ମିନିଆରେ ଅବୈଧ ସେନା ତା’ର ୩ ସେନାଙ୍କୁ ନିହତ କରିଛି ।
ଏହା ପୂର୍ବରୁ ୨୦୨୦ରେ ଆର୍ମିନିଆରେ ପ୍ରାୟ ୬ ସପ୍ତାହ ପର୍ଯ୍ୟନ୍ତ ଭିଷଣ ଲଢେଇରେ ୬୫୦୦ରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଥିଲା । ଏହାପରେ ରୁଷିଆ ଦଖଲରେ ଦୁଇଦେଶ ମଧ୍ୟରେ ଅସ୍ତ୍ରବିରତି ଘୋଷଣା କରାଯାଇଥିଲା । ଗୁରୁବାର ହୋଇଥିବା ଆକ୍ରମଣକୁ ନେଇ ରୁଷିଆ ପ୍ରତିରକ୍ଷା ମନ୍ତ୍ରଣାଳୟ କହିଛି, ଅଜରବେଜାନର ଅସ୍ତ୍ରଧାରୀ ସେନା ଅସ୍ତ୍ରବିରତିର ଉଲ୍ଲଂଘନ କରିଛନ୍ତି ।