ଅହମ୍ମଦାବାଦ,୧୦।୧୧: ଅହମ୍ମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ଶୁକ୍ରବାର ଖେଳାଯାଉଥିବା ୨୦୨୩ ବିଶ୍ୱକପର ୪୨ତମ ମ୍ୟାଚ୍ରେ ଆଫଗାନିସ୍ତାନ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଦଳର ଆଜମତୁଲ୍ଲା ର୍ମିଜାଙ୍କ ଦମ୍ଦାର ୯୭ ରନ୍ ବଳରେ ଆଫଗାନିସ୍ତାନ ନିର୍ଦ୍ଧାରିତ ୫୦ ଓଭରରେ ୧୦ ଉଇକେଟ ହରାଇ ୨୪୪ ରନ୍ କରିଛି। ଫଳରେ ଦକ୍ଷିଣ ଆଫ୍ରିକା ଆଗରେ ୨୪୫ ରନ୍ର ବିଜୟ ଟାର୍ଗେଟ୍ ରହିଛି ଆଫଗାନିସ୍ତାନ।
ଆଫଗାନିସ୍ତାନ ଦୁଇ ଓପନର ରହମାନୁଲ୍ଲା ଗୁରୁବାଜ୍ ଏବଂ ଇବ୍ରାହିମ ଜାଦ୍ରାନ୍ ପଡ଼ିଆକୁ ଓହ୍ଲାଇଥିଲେ। ଗୁରୁବାଜ୍ ୨୫ ରନ୍ କରି ଆଉଟ୍ ହୋଇଥିବା ବେଳେ ଜାଦ୍ରାନ୍ ୧୫ ରନ୍ କରିଥିଲେ। ଫଳରେ ଆଫଗାନିସ୍ତାନ ପ୍ରାରମ୍ଭରୁ ଉଇକେଟ୍ ହରାଇ ସଙ୍କଟରେ ପଡ଼ିଥିଲା। ରହମତ୍ ଶାହା କିଛି ସମୟ କ୍ରିଜ୍ରେ ରଖି ଦଳକୁ ଆଗକୁ ନେଇଥିଲେ। ହେଲେ ସେ ମଧ୍ୟ ୪୬ ବଲ୍ରେ ୨୬ ରନ୍ କରି ଆଉଟ୍ ହୋଇଯାଇଥିଲେ। ସେହିପରି ଅଧିନାୟକ ହସମତୁଲ୍ଲା ଶାହିଦି ମଧ୍ୟ ୨ ରନ୍ କରି ବିଫଳ ହୋଇଥିଲେ। ହେଲେ ଆଜମତୁଲ୍ଲା ର୍ମିଜା ଧର୍ଯ୍ୟର ସହ ଖେଳି ଦଳୀୟ ସ୍କୋରକୁ ଆଗକୁ ନେଇଥିଲେ। ସେ ୧୦୭ ବଲ୍ ଖେଳି ୭ ଚଉକା ଏବଂ ୩ ଛକା ସହାୟତାରେ ୯୭ ରନ୍ର ଗୁରୁତ୍ୱପୂର୍ଣ୍ଣ ଇନିଂସ୍ ଖେଳିଥିଲେ। ଫଳରେ ଆଫଗାନିସ୍ତାନ ୨୪୪ ରନ୍ର ସମ୍ମାନଜନକ ସ୍କୋର କରିବାରେ ସକ୍ଷମ ହୋଇଥିଲା।