ଭୁବନେଶ୍ୱର,୫।୧: ମଲ୍ଟି ବ୍ରାଣ୍ଡ୍ ବୈଦ୍ୟୁତିକ ଯାନ (ଇଭି) ପ୍ଲାଟ୍ଫର୍ମ ବି.ଲାଇଭ୍ର ଆଉ ଏକ ଏକ୍ସକ୍ଲୁସିଭ ଷ୍ଟୋରର ଶୁଭାରମ୍ଭ କରାଯାଇଛି। ଏପରିକି ରାଉରକେଲା ସହରରେ ବ୍ରାଣ୍ଡ୍ର ପ୍ରଥମ ମଲ୍ଟିବ୍ରାଣ୍ଡ୍ ଷ୍ଟୋର ବୁଧବାର ଆନୁଷ୍ଠାନିକ ଭାବେ ଉଦ୍ଘାଟିତ ହୋଇଯାଇଛି। ଏହି ଅବସରରେ ରାଉରକେଲା ବିଧାୟକ ସାରଦା ପ୍ରସାଦ ନାୟକ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ବିଶେଷକରି ବୈଦ୍ୟୁତିକ ଯାନ ଉପରେ ବିଶ୍ୱସ୍ତରୀୟ ସଚେତନତା ହେତୁ ଗ୍ରାହକଙ୍କ ଆଗ୍ରହ ବୃଦ୍ଧି, ଇନ୍ଧନ ମୂଲ୍ୟ ବୃଦ୍ଧି ସହ ବ୍ରାଣ୍ଡ୍ର ଗୁରୁତ୍ୱ ଦୃଷ୍ଟିରୁ ଏହାର ୧୯ତମ ଇଭି ଷ୍ଟୋରରେ ପହଞ୍ଚତ୍ଛି। ଏଠାରେ ଏକାଧିକ ଇଭି ବ୍ରାଣ୍ଡ୍ ଉପଲବ୍ଧ। ବୈଦ୍ୟୁତିକ ସ୍କୁଟର, ମୋଟର ସାଇକେଲ ଇତ୍ୟାଦିକୁ ଗ୍ରାହକ ସର୍ବନିମ୍ନ ଇଏମ୍ଆଇ ମାସିକ ୨୦୦୦ ଟଙ୍କାରେ କିଣିପାରିବେ। ଉଲ୍ଲେଖଯୋଗ୍ୟ, ଏଠାରେ କାଇନେଟିକ ଗ୍ରୀନ୍, ହିରୋ ଲେକ୍ଟର,ଏଲ୍ଏମ୍ଏଲ୍-ଡିଟେଲ,ବ୍ୟାଟରେ, ଜେମାପିୟା ପ୍ରଭୃତି ଉପଲବ୍ଧ ବୋଲି ଷ୍ଟୋର ପକ୍ଷରୁ କୁହାଯାଇଛି ।
ଏ ସମ୍ପର୍କରେ ବି.ଲାଇଭ୍ର ସିଇଓ ତଥା ସହପ୍ରତିଷ୍ଠାତା ସମର୍ଥ ଖୋଲକର କହିଛନ୍ତି, ରାଉରକେଲାଠରେ ଆମର ପ୍ରଥମ ଷ୍ଟୋର ଶୁଭାରମ୍ଭ ସହ ଓଡ଼ିଶା ବଜାରରେ ମଧ୍ୟ ପ୍ରବେଶ ପାଇଁ ଆମେ ଗୌରବାନ୍ବିତ ଅଛୁ। ବିଶେଷକରି ବୈଦ୍ୟୁତିକ ଯାନର ଗତିଶୀଳତାକୁ ଆମେ ଓଡ଼ିଶାର ଜନସାଧାରଣଙ୍କୁ ପ୍ରଦାନ କରିବୁ। ଏପରିକି ସହଜରେ ଗାଡ଼ି କିଣିବା ପାଇଁ ଆମେ ଗ୍ରାହକମାନଙ୍କୁ ଫାଇନାନ୍ସ ଠାରୁ ଆରମ୍ଭକରି ସବୁ ପ୍ରକାର ସହାୟତା ଯୋଗାଇଦେବୁ। ସେହିଭଳି ବି.ଲାଇଭ ଷ୍ଟୋରର ମାଲିକ ଅକ୍ଷୟ ପ୍ରହରାଜ କହିଛନ୍ତି, ଆମେ ବି.ଲାଇଭ ସହ ସହଭାଗୀ ହୋଇ ଅତ୍ୟନ୍ତ ଆନନ୍ଦିତ ଓ ଓଡ଼ିଶାର ଲୋକମାନଙ୍କ ମୋବିଲିଟି ଉଦ୍ଦେଶ୍ୟରେ ବୈଦ୍ୟୁତିକ ଯାନ ବ୍ୟବହାରକୁ ପ୍ରୋତ୍ସାହିତ କରିବୁ।
