![](https://www.dharitri.com/wp-content/uploads/2024/07/11-24.jpg)
ପାଟକୁରା,୨୧ା୭(ରବୀନ୍ଦ୍ର ନାଥ ବାରିକ): ଶନିବାର କେନ୍ଦ୍ରାପଡ଼ା ଜିଲା ଗରଦପୁର ବ୍ଲକ ଅଧୀନ ପାଟକୁରା ଗ୍ରାମପଞ୍ଚାୟତର ଜଗନ୍ନାଥପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଛି ା ଗ୍ରାମର ଧୀରେନ କୁମାର ବାରିକ ଓ କ୍ଷଣପ୍ରଭା ପରିଡ଼ାଙ୍କ ଏକମାତ୍ର ପୁଅ କୌଶିକ ବାରିକ(୧୮)ଚିତ୍ରୋତ୍ପଳା ନଦୀରେ ବୁଡି ନିଖୋଜ ଅଛନ୍ତି ା ଏହି ରିପୋର୍ଟ ଲେଖାହେବା ପର୍ଯ୍ୟନ୍ତ ଅଗ୍ନିଶମ ବାହିନୀ ଓ ଓଡ୍ରାଫ୍ ଟିମ୍ ନଦୀରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ା ସୂଚନା ଅନୁଯାୟୀ, କୌଶିକ ଭୁବନେଶ୍ୱର ରୟାଲ କଲେଜରେ +୨ବିଜ୍ଞାନ ପଢିବା ପରେ ସିଲକନ ଇଞ୍ଜିନିୟରିଂ କଲେଜରେ ବି-ଟେକ୍ କରୁଥିଲେ ା କଲେଜ ଛୁଟି ଥିବାରୁ ସେ ଗାଁକୁ ଆସିଥିଲେ ା ଶନିବାର ସକାଳ ପ୍ରାୟ ସାଢ଼େ ୯ଟା ସମୟରେ କୌଶିକ ଗ୍ରାମର ଅନ୍ୟ ୩ ଜଣ ସାଙ୍ଗଙ୍କ ସହିତ ଚିତ୍ରୋତ୍ପଳା ନଦୀର ମହାପୁରୁଷ ତୁଠକୁ ଗାଧୋଇବାକୁ ଯାଇଥିଲେ ା ଗାଧୋଇବାବେଳେ କୌଣସି କାରଣରୁ କୌଶିକ ନଦୀରେ ବୁଡ଼ିଯାଇ ପ୍ରଖର ସ୍ରୋତରେ ଭାସି ଯାଇଥିଲେ ା ଏହା ଦେଖି ଅନ୍ୟ ସାଙ୍ଗମାନେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ା ହେଲେ ସେଥିରେ ବିଫଳ ହେବାରୁ ସେମାନେ ଚିତ୍କାର କରିଥିଲେ ା ସେଠାରେ ଥିବା ଗାଁର ଲୋକମାନେ କୌଶିକଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ା ହେଲେ ସେଥିରେ ବିଫଳ ହେବା ପରେ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା ା ଅପରାହ୍ନରେ ପ୍ରଶାସନ ପକ୍ଷରୁ ଓଡ୍ରାଫ୍ ଟିମ୍କୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଛି ା ଏହି ଘଟଣା ପରେ ଜଗନ୍ନାଥପୁର ଗ୍ରାମ ତଥା ପାଟକୁରାରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ା