ଭୁବନେଶ୍ୱର,୧୨।୪: ଦେଶର ପ୍ରମୁଖ ଘରୋଇ ଟେଲିକମ୍ କମ୍ପାନୀ ଭାରତୀ ଏୟାରଟେଲ (ବିଏ)କୁ ନିକଟରେ ଓଡ଼ିଶାର ଶ୍ରେଷ୍ଠ ୫ଜି ନେଟ୍ଓ୍ବର୍କ ଆଓ୍ବାର୍ଡ (ପୁରସ୍କାର)ରେ ସମ୍ମାନିତ କରାଯାଇଛି। ଏପରିକି ନେଟ୍ୱର୍କ ଓ ଗ୍ରାହକଙ୍କ ପାଇଁ ସ୍ବାଧୀନ ବିଶ୍ୱସ୍ତରୀୟ ମାନକ ଓପନ୍ ସିଗ୍ନାଲ ପକ୍ଷରୁ ଓଡ଼ିଶା ଟେଲିକମ୍ ସର୍କଲର ଶ୍ରେଷ୍ଠ ୫ଜି ନେଟ୍ୱର୍କ ଆଓ୍ବାର୍ଡରେ ବିଏକୁ ପୁରସ୍କୃତ କରିଛି।
ବିଶେଷକରି ଓପନ୍ ସିଗ୍ନାଲ୍ର ସଦ୍ୟତମ ଉପଭୋକ୍ତା ରିପୋର୍ଟ ଅନୁଯାୟୀ ଏୟାରଟେଲ ମୋଟ ନେଟ୍ୱର୍କ ଚାର୍ଟର ଶୀର୍ଷରେ ରହିଛି ଏବଂ ୬ଟି ପୁରସ୍କାର ମଧ୍ୟରୁ ୬ଟିରେ ବିଜୟୀ ସହ ବିଏ ରାଜ୍ୟର ଶ୍ରେଷ୍ଠ ୫ଜି ନେଟ୍ୱର୍କରେ ପରିଣତ ହୋଇଛି। ସେହିଭଳି ଏୟାରଟେଲ ଉଭୟ ଲାଇଭ୍ ଏବଂ ଅନ୍-ଡିମାଣ୍ଡ ଭିଡିଓ ଷ୍ଟ୍ରିମିଂରେ ସାମଗ୍ରିକ ୫ଜି ଭିଡିଓ ଷ୍ଟ୍ରିମିଂ ଅଭିଜ୍ଞତାର ଶୀର୍ଷ ସ୍ଥାନରେ ରହିଛି।