ପ୍ରଭାସ ଷ୍ଟାରର ଫିଲ୍ମ ‘ବାହୁବଳୀ’ରେ ଦେବସେନା ଚରିତ୍ରରେ ଅଭିନୟ କରିଥିବା ଅଭିନେତ୍ରୀ ଅନୁଷ୍କା ଶେଟ୍ଟୀଙ୍କ ପାଇଁ କୌଣସି ପରିଚୟର ଆବଶ୍ୟକତା ନାହିଁ। ଏହି ଫିଲ୍ମର ସଫଳତା ତାଙ୍କୁ ଘର ଘରେ ପରିଚିତ କରାଇଛି। କୁହାଯାଉଛି ଅନୁଷ୍କା ଗୋଟିଏ ଫିଲ୍ମ ପାଇଁ ପ୍ରାୟ ୫ କୋଟି ଟଙ୍କା ଚାର୍ଜ କରିଥାନ୍ତି। ତାଙ୍କ ପାଖରେ କୋଟି କୋଟି ଟଙ୍କାର ଘର ଏବଂ କାର ମଧ୍ୟ ରହିଛି।
ଅନୁଷ୍କାଙ୍କର ହାଇଦାବାଦର ଜୁବଲି ପାହାଡ ନିକଟରେ ଅବସ୍ଥିତ ଉଡ୍ସ ଆପାର୍ଟମେଣ୍ଟର ୬ତମ ଫ୍ଲୋର୍ରେ ତାଙ୍କର ଏକ ଘର ରହିଛି। ଏହାର ମୂଲ୍ୟ ପ୍ରାୟ ୧୨ କୋଟି ଟଙ୍କା ହେବ। କାର ପ୍ରେମୀ ଅନୁଷ୍କାଙ୍କ ପାଖରେ ଅନେକ ବ୍ରାଣ୍ଡର କାର ରହିଛି। ବର୍ତ୍ତମାନ ତାଙ୍କ ପାଖରେ ବିଏମ୍ ଡବ୍ଲ୍ୟୁ ୬, ଅଡି ଏ୬, ଅଡି କ୍ୟୁ୫ ଏବଂ ଟୋୟୋଟା କୋରୋଲା ପରି କାରମାନ ରହିଛି। ତେବେ ଅନୁଷ୍କା ସମୁଦାୟ ୧୪୦ କୋଟି ସମ୍ପତ୍ତିର ମାଲିକାଣୀ ବୋଲି କୁହାଯାଏ। ଅନୁଷ୍କା ଫିଲ୍ମ ସାଙ୍ଗକୁ ବଡ଼ ବଡ଼ ବିଜ୍ଞାପନ ପାଇଁ ମଧ୍ୟ କାମ କରିଥାନ୍ତି।