ମୁମ୍ବାଇ,୧୦।୧: ଆମେ ସମସ୍ତେ ଜାଣିଛେ ଢାବା ମାଲିକ ବାବାଙ୍କ ଭାଗ୍ୟ ବଦଳିଗଲାଣି। ଅମିତାଭ ବଚ୍ଚନଙ୍କୁ ଭାଇ ବୋଲି ମାନୁଥିବା ଢାବା ମାଲିକଙ୍କ ଭାଗ୍ୟ ଯେ, ଏତେ ବଦଳି ଯାଇଛି ସେକଥା ବିଗ୍ ବିଙ୍କୁ ବି ଜଣା ନ ଥିଲା। ମାତ୍ର ଜାଣିବା ପରେ ସେ ଏହି କଥାର ସତ୍ୟତାକୁ ତାଙ୍କ ଶୋ’ କେବିସିରେ ପ୍ରକାଶ କରିଛନ୍ତି।
କେବଳ ଏତିକି ନୁହେଁ, ‘ବାବା କା ଢାବା’ ବୃଦ୍ଧଙ୍କୁ ସାହାଯ୍ୟ କରୁଥିବା ଲୋକମାନଙ୍କ ମଧ୍ୟରେ ବିଗ୍ ବି ମଧ୍ୟ ଅଛନ୍ତି। ଢାବାର ବାବା କାନ୍ତ ପ୍ରସାଦ କହିଛନ୍ତି, ଅମିତାଭ ତାଙ୍କୁ ବ୍ୟକ୍ତିଗତ ଭାବେ ପଠାଇ ୫.୫ ଲକ୍ଷ ଟଙ୍କା ସାହାଯ୍ୟ କରିଛନ୍ତି।
ବଲିଉଡ୍ ଅଭିନେତ୍ରୀ ରବିନା ଟଣ୍ଡନ ଶୁକ୍ରବାର ‘କୌନ ବନେଗା କୋରଡ଼ପତି’ରେ ଅମିତାଭଙ୍କ ସାମ୍ନାରେ ହଟ୍ ସିଟ୍ରେ ବସିଥିଲେ। ଏହି ସମୟରେ ବିଗ୍ ବି କହିଛନ୍ତି, ଲୋକେ ଆଜିକାଲି ସୋସିଆଲ ମିଡିଆରେ ଉଠାଯାଇଥିବା କୌଣସି ପ୍ରସଙ୍ଗରେ ଖୋଲାଖୋଲି ସାହାଯ୍ୟ କରିବାକୁ ଆଗେଇ ଅସୁଛନ୍ତି।
ବିଗ୍ ବି ଆହୁରି ମଧ୍ୟ କହିଛନ୍ତି, ଦିଲ୍ଲୀରେ ଢାବା ଚଳାଉଥିବା ବାବା କିପରି ଲକ୍ଡାଉନ୍ ସମୟରେ ତାଙ୍କର ହାତ ତିଆରି ଖାଦ୍ୟ ଯୋଗୁ ଆକର୍ଷିତ ହୋଇଥିଲେ। ଯେତେବେଳେ ଭିଡିଓ ଭାଇରାଲ ହେଲା କିଛିଦିନ ମଧ୍ୟରେ ଏଠାରେ ଲୋକଙ୍କ ଭିଡ଼ ଆରମ୍ଭ ହେଲା।
ଅନ୍ୟପକ୍ଷରେ ବାବା ବି ସମସ୍ତ ସେଲିବ୍ରିଟିଙ୍କୁ ଅନୁରୋଧ କରିଥିଲେ ଯେ, ସେମାନେ କେବଳ ପଞ୍ଚ ତାରକା ହୋଟେଲରେ ଖାଦ୍ୟ ନ ଖାଇ କେବେ ତାଙ୍କ ଢାବାକୁ ଆସନ୍ତୁ ବୋଲି କହିଥିଲେ। ଆହୁରି ମଧ୍ୟ ବାବା ଥରେ ବିଗ୍ ବିଙ୍କୁ ଭେଟିବାକୁ ଇଚ୍ଛା ପ୍ରକାଶ କରିଥିଲେ ଏବଂ କହିଥିଲେ ଯେତେବେଳେ ବି ଅମିତାଭ ଦଲ୍ଲୀ ଆସିବେ ସେତେବେଳେ ତାଙ୍କ ଢାବାରେ ଆସି ଖାଇବାକୁ ପଡ଼ିବ। ବର୍ତ୍ତମାନ ବାବା ଏକ ସୁନ୍ଦର ରେଷ୍ଟୁରାଣ୍ଟର ମାଲିକ ହୋଇପାରିଛନ୍ତି। ବାବା ନିକଟରେ ଦକ୍ଷିଣ ଦିଲ୍ଲୀର ମାଲବୀୟ ନଗରରେ ଏକ ରେଷ୍ଟୁରାଣ୍ଟ ଖୋଲିଛନ୍ତି। ଯେଉଁଥିରେ ବାବା ନିଜେ କ୍ୟାଶ କାଉଣ୍ଟରରେ ବସିଛନ୍ତି। ଏହା ଜାଣି ଅମିତାଭ ଖୁବ୍ ଖୁସି ହୋଇଯାଇଛନ୍ତି।