ହରାରେ, ୨୦।୪: ସ୍ଥାନୀୟ ହରାରେ ସ୍ପୋଟର୍ସ କ୍ଲବଠାରେ ବୁଧବାରଠାରୁ ପାକିସ୍ତାନ ଓ ଜିମ୍ବାଓ୍ବେ ମଧ୍ୟରେ ଆରମ୍ଭ ହେବାକୁ ଯାଉଛି ୩ ମ୍ୟାଚ୍ ବିଶିଷ୍ଟ ଟି୨୦ ସିରିଜ୍। ଏହି ସିରିଜ୍ରେ ପାକିସ୍ତାନ ଅଧିନାୟକ ବାବର ଆଜାମ ଭାରତୀୟ ରନ୍ମେସିନ ବିରାଟ କୋହଲିଙ୍କ ବିଶ୍ୱ ରେକର୍ଡ ଭାଙ୍ଗିପାରନ୍ତି।
ଗତ ସପ୍ତାହରେ ନମ୍ବର ଓ୍ବାନ ମାନ୍ୟତା ହାସଲ କରିଥିବା ବାବରଙ୍କୁ ଟି୨୦ ଫର୍ମାଟରେ ୨ ହଜାର ପୂରଣ କରିବା ପାଇଁ ୬୦ ରନ୍ ଦରକାର। ଅନ୍ତର୍ଜାତୀୟ ଟି୨୦ରେ ସବୁଠୁ କମ୍ ଇନିଂସରେ ୨ ହଜାର ରନ୍ କରିବାର ରେକର୍ଡ ଏବେ କୋହଲିଙ୍କ ନାମରେ ଅଛି। ସେ କ୍ୟାରିୟରର ୫୬ତମ ଇନିଂସରେ ଏହି ମାଇଲଷ୍ଟୋନ ଛୁଇଁଥିଲେ। ଏ ପର୍ଯ୍ୟନ୍ତ ୪୯ଟି ଇନିଂସ ଖେଳିଥିବା ବାବରଙ୍କ ନାମରେ ରହିଛି ୧,୯୪୦ ରନ୍। ଏଣୁ କୋହଲିଙ୍କ ରେକର୍ଡ ଭାଙ୍ଗିବା ପାଇଁ ଫୁଲ୍ ଫର୍ମରେ ଥିବା ବାବରଙ୍କ ପାଖରେ ୬ଟି ଇନିଂସ ରହିଛି।