ନୂଆଦିଲ୍ଲୀ, ୩୧।୧୦: ମା’ ଭେଣ୍ଟିଲେଟରରେ ଥିଲେ। ତଥାପି ଆଇସିସି ପୁରୁଷ ଟି୨୦ ବିଶ୍ୱକପ୍ରେ ଭାରତ ବିପକ୍ଷରେ ଖେଳି ଦଳକୁ ବିଜେତା କରାଇଥିଲେ କ୍ରିକେଟର। ଆମେ କଥା ହେଉଛୁ ପାକିସ୍ତାନ ଅଧିନାୟକ ବାବର ଆଜମଙ୍କ ବିଷୟରେ। ଶନିବାର ବାବରଙ୍କ ବାପା ଆଜମ ସିଦ୍ଧକୀ ଏକ ଭାବବିହ୍ବଳ ପୋଷ୍ଟ ଲେଖି ଏନେଇ ଜଣାଇଛନ୍ତି। ଏହି ଡାହାଣହାତୀ ବ୍ୟାଟ୍ସମ୍ୟାନ୍ ଦୁବାଇରେ ଅପରାଜିତ ୬୮ ରନ୍ କରିଥିଲେ, ହେଲେ ମ୍ୟାଚ୍ ସମୟରେ ତାଙ୍କ ହୃଦୟ ମା’ଙ୍କ ପାଖରେ ରହିଥିଲା। କାରଣ ସେ ସର୍ଜରୀ ପରେ ଭେଣ୍ଟିଲେଟରରେ ଥିଲେ।
ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ପରିବାରର ଫଟୋ ପୋଷ୍ଟ କରି ବାବର କହିଥିଲେ, ଏବେ ମୋ ଦେଶକୁ କିଛି ସତ ବିଷୟରେ ଜାଣିନେବା ଉଚିତ। ଆପଣ ସମସ୍ତଙ୍କୁ ୩ଟି ବିଜୟର ଶୁଭେଚ୍ଛା। ଆମ ଘରେ କିନ୍ତୁ ଏକ ବଡ଼ ପରୀକ୍ଷା ଚାଲିଥିଲା। ଯେଉଁଦିନ ଭାରତ ବିପକ୍ଷରେ ମ୍ୟାଚ୍ ଥିଲା, ସେଦିନ ବାବରଙ୍କ ମା’ ଭେଣ୍ଟିଲେଟରରେ ଥିଲେ। ସେ ତିନୋଟି ଯାକ ମ୍ୟାଚ୍କୁ ବହୁତ କଷ୍ଟର ସହକାରେ ଖେଳିଛନ୍ତି। ପୋଷ୍ଟ ଏଥିପାଇଁ କରୁଛି କାରଣ ରାଷ୍ଟ୍ରୀୟ ନାୟକଙ୍କର ଅନାବଶ୍ୟକ ଆଲୋଚନା କରନ୍ତୁ ନାହିଁ। ଯଦି କେଉଁ ସଫଳତା ମିଳୁଛି, ତେବେ ସେଥିପାଇଁ ଆପଣଙ୍କୁ ପରୀକ୍ଷା ଦେବାକୁ ପଡ଼ିଥାଏ ବୋଲି ସେ କହିଥିଲେ। ଏବେ ଏହି ପୋଷ୍ଟଟି ଭାଇରାଲ ହେଉଥିବା ବେଳେ ଲୋକମାନେ ବାବରଙ୍କ ପ୍ରଶଂସା କରୁଛନ୍ତି।