ଅହମଦାବାଦ,୩୧।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜରାଟ ଗସ୍ତରେ ପ୍ରୋବେସନାରୀ ଆଇଏଏସ୍ ଅଫିସରଙ୍କୁ ଗୁରୁତ୍ୱପୂର୍ଣ୍ଣ ପରାମର୍ଶ ଦେଇଛନ୍ତି। ନିୟମ ଏବଂ ଭୂମିକା ମଧ୍ୟରେ ସନ୍ତୁଳନ ରଖିବା ଅପରିହାର୍ଯ୍ୟ ବୋଲି ମୋଦି କହିଛନ୍ତି। ଲୋକଙ୍କ ସେବା ପାଇଁ ମୁଣ୍ଡରୁ ବାବୁ ପଣିଆ ବାହାର କରିବାକୁ ପଡ଼ିବ ବୋଲି ସେ କହିଛନ୍ତି। ସୁପ୍ରଶାସନ ଦେଶ ଲାଗି ଜରୁରୀ ହୋଇଥିବାବେଳେ ଏକ୍ଷେତ୍ରରେ ଗୁଣାତ୍ମକ ସେବା ଲୋକଙ୍କୁ ଯୋଗାଇ ଦେବା ଆବଶ୍ୟକ। ସରକାରଙ୍କଠାରୁ ସୁପ୍ରଶାସନ ଆଡ଼କୁ ସୁଦୃଢ଼ ଭାବେ କାର୍ଯ୍ୟ ଆରମ୍ଭ ହେଲେ ଲୋକଙ୍କ ହିତ ସାଧନ ହୋଇପାରିବ ବୋଲି ମୋଦି ପ୍ରୋବେସନାରୀ ଆଇଏଏସ୍ ଅଫିସରଙ୍କ ଉଦ୍ଦେଶ୍ୟରେ କହିଛନ୍ତି। ଦେଶର ଏକତା ପାଇଁ କାର୍ଯ୍ୟ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହାକୁ ହୃଦୟଙ୍ଗମ କରି ଆଗେଇବାର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଛନ୍ତି।