ଶୈଶବ ସଦାକାଳ ସୁନ୍ଦର। କୋମଳତା ସହ ଚପଳତାରେ ଭରପୂର। ସେ ମଣିଷ ଛୁଆଟିଏ ହେଉ ଅବା ପଶୁ, ସମସ୍ତଙ୍କ ନିକଟରେ ସ୍ବତନ୍ତ୍ରତା ରହିଥାଏ। ଅନେକ ସମୟରେ ଛୁଆମାନେ ଏମିତି ବ୍ୟବହାର କରନ୍ତି ଯାହା ଉପରେ ବିଶ୍ୱାସ କରିବା କଷ୍ଟକର ହୋଇଥାଏ। ଏହି କ୍ରମରେ ଭାଲୁ ଛୁଆର ଏକ ଭିଡିଓ ବେଶ ଭାଇରାଲ ହେଉଛି। ଯିଏ ବି ଏହି ଭିଡିଓ ଦେଖୁଛି ବାରମ୍ବାର ଦେଖିବାକୁ ଇଚ୍ଛା ହେଉଥିବା କହୁଛି।
ଭିଡିଓଟି ଏକ ଜଙ୍ଗଲ ଭିତରେ ବୁଲୁଥିବା ଭାଲୁ ଛୁଆର। ହଠାତ ସେ ମସ୍ତି କରିବାକୁ ଯାଇ ଗୋଡ ଦୁଇଟିକୁ ଟେକି ନାଚିବାକୁ ଲାଗୁଛି। ଏହି ରୂପରେ ସେ ବେଶ ସୁନ୍ଦର ଲାଗୁଛି। ଟୁଇଟରରେ ଏହି ଭିଡିଓକୁ @Yoda4ever ଆକାଉଣ୍ଟରୁ ଶେୟାର କରାଯାଇଛି। ଏଯାବତ ଏହାକୁ ୨୩ ଲକ୍ଷରୁ ଅଧିକ ଲୋକ ଦେଖି ସାରିଛନ୍ତି। ସେହିଭଳି ଲକ୍ଷାଧିକ ଲୋକ ଏହାକୁ ପସନ୍ଦ କରିବା ସହ ୧୯ ହଜାର ଲୋକ ରିଟୁଇଟ୍ କରିଛନ୍ତି।