ଟେନସା,୧୦।୪(ଡି. ଏନ. ଏ.): ସୁନ୍ଦରଗଡ଼ ଜିଲା କୋଇଡା ବନାଞ୍ଚଳର କୁଶୁମୁଣ୍ଡି ଜଙ୍ଗଲରେ ଏକ ହାତୀ ଛୁଆର ମୃତଦେହ ପଡିରହିଛି। ମୃତ ହାତୀ ଛୁଆର ବୟସ ତିନିରୁ ଚାରି ବର୍ଷ ବୋଲି ଜଣାପଡିଛି। ଘଟଣାସ୍ଥଳରେ ମା’ ହାତୀ ଜଗି ରହିଥିବା ଦେଖିବାକୁ ମିଳିଛି। ଖବରପାଇ ଘଟଣାସ୍ଥଳରେ କୋଇଡା ବନବିଭାଗର ରେଞ୍ଜର ବଣାଇ ଏସଏଫ କୋଇଡା ପ୍ରାଣିଧନ ଚିକିତ୍ସାଧିକାରୀ ପହଞ୍ଚିଛନ୍ତ। ମା’ ହାତୀ ତା’ ଛୁଆ ହାତୀ ପାଖରେ ଥିବାରୁ ଜଙ୍ଗଲ କର୍ମଚାରୀ ପହଞ୍ଚି ପାରୁନାହାନ୍ତ।
ସୂଚନାନୁସାରେ, ପନ୍ଦର ଦିନ ପୂର୍ବରୁ ଝିରପାଣି ଜଙ୍ଗଲରେ ହାତୀ ଛୁଆଟି ଅସୁସ୍ଥ ଥିଲା। ବନବିଭାଗ ପ୍ରାଥମିକ ଚିକିତ୍ସା କରିବା ପରେ ସୁସ୍ଥ ହୋଇ ହାତୀ ଛୁଆଟି ମା’ ହାତୀ ସହିତ ଜଙ୍ଗଲରେ ବୁଲାବୁଲି କରୁଥିଲା। ହେଲେ ଆଜି କେଉଁ କାରଣରୁ ହାତୀ ଛୁଆର ମୃତ୍ୟୁ ଘଟିଲା ତାହା ବ୍ୟବଚ୍ଛେଦ ପରେ ଜଣାପଡ଼ିବ ବୋଲି ବଣାଇ ଏସିଏଫ ସୂଚନା ଦେଇଛନ୍ତି।