ଅଧିକାଂଶ ସମୟରେ ସୋସିଆଲ ମିଡିଆରେ ହାତୀମାନଙ୍କର ଫଟୋ ଭାଇରାଲ ହୋଇଥାଏ। ଏଥିରୁ କିଛି ଫଟୋ ବେଶ୍ ଚର୍ଚ୍ଚାରେ ରହିଥାଏ। ଏବେ ସେମିତି ଏକ ଫଟୋ ଭାଇରାଲ ହୋଇଛି। ଯେଉଁଥିରେ ହାତୀଛୁଆଟି ଏକ କୁଣ୍ଡପାଣିରେ ପଶି ଗାଧୋଉଛି। ଗାଧୋଇବା ସମୟରେ ସେ ଖୁବ୍ ଉପଭୋଗ କରୁଛି। ଯାହା ଦେଖିଲେ ଆପଣ ହସ ଅଟକାଇ ପାରିବେନି।
ଭିଡିଓରେ ଦେଖିବାକୁ ମିଳିଛି ଏକ କୁଣ୍ଡରେ ପାଣି ଭର୍ତ୍ତି ହୋଇ ରହିଛି। ହାତୀ ଛୁଆଟି ଏହା ଭିତରକୁ ଡେଇଁପଡ଼ି ମଜାରେ ଗାଧୋଉଛି। ଭିଡିଓଟିକୁ ଭାରତୀୟ ବନସେବା ଅଧିକାରୀ ପ୍ରବୀଣ କାସଓ୍ବାନ ଶେୟାର କରିଛନ୍ତି। କ୍ୟାପ୍ଶନରେ ମଧ୍ୟ ଲେଖିଛନ୍ତି, ‘ଖୁସିରେ ପରିପୂର୍ଣ୍ଣ ଥଳି’
ସେ ଏହି ଭିଡିଓକୁ ୨୫ ନଭେମ୍ବରରେ ଶେୟାର କରିଛନ୍ତି। ବର୍ତ୍ତମାନ ସୁଦ୍ଧା ଏହାକୁ ୫୬ ହଜାରରୁ ଅଧିକ ଲୋକ ଦେଖିସାରିଛନ୍ତି। ଆହୁରି ମଧ୍ୟ ୫୦୦୦ରୁ ଅଧିକ ଲାଇକ୍ ଏବଂ ୫୦୦ରୁ ଅଧିକ ରି-ଟୁଇଟ୍ କରାଯାଇଛି। ଲୋକମାନେ ଏହି ଭିଡିଓକୁ ଖୁବ୍ ପସନ୍ଦ କରୁଛନ୍ତି।