ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓଗୁଡିକ ମଧ୍ୟରୁ ସବୁଠୁ ସୁନ୍ଦର ହେଉଛି ପଶୁପକ୍ଷୀଙ୍କ ଭିଡିଓ। ଯେଉଁଥିରେ ଏମାନେ ସୁନ୍ଦର କାର୍ଯ୍ୟ କରି ଦର୍ଶକଙ୍କ ମନ ଜିଣିଥାନ୍ତି। ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ କିଛି ଅଧିକାରୀ ଛୁଆହାତୀ ଉପରେ ନିଜର ସ୍ନେହ ଏବଂ ଭଲପାଇବା ଦେଖାଇଛନ୍ତି।
ହାତୀ ଦୁନିଆର କିଛି ବଡ଼ ଜୀବଙ୍କ ମଧ୍ୟରୁ ଅନ୍ୟତମ। କିନ୍ତୁ ଏମାନେ ବହୁତ ଶାନ୍ତ ଏବଂ ବୁଦ୍ଧିମାନ ଅଟନ୍ତି। ଏହି ଭିଡିଓରେ ହାତୀଛୁଆ ଜଙ୍ଗଲରେ ଶୋଇଥିବାର ନଜର ଆସିଛି। ଭିଡିଓରେ ଅଧିକାରୀମାନେ କିପରି ଭାବରେ ତା’ର ଯତ୍ନ ନେଉଛନ୍ତି, ତାହା ଦେଖି ଆପଣଙ୍କ ହୃଦୟ ଖୁସିରେ ନାଚି ଉଠିବ।
ହାତୀଛୁଆଟି ଜଙ୍ଗଲରେ ଶୋଇଥିବା ବେଳେ ଏହା ଉପରେ ସୂର୍ଯ୍ୟକିରଣ ପଡ଼ିଛି। ଏହା ଦେଖି ଜଣେ ବନ ଅଧିକାରୀ ତା’ ସାମ୍ନାରେ ଏକ ଛତା ଧରି ଠିଆ ହୋଇଛନ୍ତି। ଫଳରେ ହାତୀଛୁଆଟି ଆରାମରେ ଶୋଇଯାଇଛି। ଜଙ୍ଗଲ ଅଧିକାରୀଙ୍କ ଏକ ଟିମ୍ ଛୁଆହାତୀର ଯତ୍ନ ନେଉଥିବା ଏବଂ ମା ହାତୀକୁ ଅପେକ୍ଷା କରିଥିବା ଦେଖାଯାଇଛି। ଏହି ଭିଡିଓ ଦେଖିବା ପରେ ମଣିଷ ଏବଂ ପଶୁମାନଙ୍କ ମଧ୍ୟରେ ଥିବା ସୁନ୍ଦର ସମ୍ପର୍କ ଆହୁରି ମଧୁମୟ ହୋଇଉଠିଛି।
ଭିଡିଓକୁ ଆଇଏଏସ ଅଧିକାରୀ ସୁପ୍ରିୟା ସାହୁ ତାଙ୍କ ଟୁଇଟରରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ‘ଏହି ହୃଦୟସ୍ପର୍ଶୀ ଭିଡିଓ, ଶେୟାର କରିବା ଯେଉଁଠାରେ ଆପଣ ଏକ ଶୋଇଥିବା ହାତୀକୁ ନିଜ ମା ସହିତ ମିଳିତ କରିବାର ସଫଳ ଉଦ୍ୟମ ସମୟରେ ଛାଇ ପ୍ରଦାନ କରୁଥିବା #TNForesters ଦେଖିପାରିବେ। ତାଙ୍କର ପ୍ରେମ, ଯତ୍ନ ଏବଂ ଚିନ୍ତାଧାରା ସମଗ୍ର ପ୍ରୟାସକୁ ମୂଲ୍ୟବାନ କରିଛି।
ଏହି ଭିଡିଓକୁ ବର୍ତ୍ତମାନ ସୁଦ୍ଧା ୫୦ ହଜାରରୁ ଅଧିକ ଥର ଦେଖାଯାଇ ସାରିଲାଣି । ଶହ ଶହ ଲୋକ ମଧ୍ୟ ଏହାକୁ ପସନ୍ଦ କରିଛନ୍ତି। ଅନେକ ଲୋକ ଏହି ଭିଡିଓ ଉପରେ ମନ୍ତବ୍ୟ ଦେଇଛନ୍ତି। କିଛି ୟୁଜର ଲେଖିଛନ୍ତି, ଏହିପରି ମୂଲ୍ୟବାନ ଜୀବ ସମସ୍ତଙ୍କ ପ୍ରେମ ଏବଂ ଯତ୍ନର ଯୋଗ୍ୟ।