ଲଙ୍ଗଳେଶ୍ୱର, ୨୮।୧୧(ଡି.ଏନ.ଏ.): ବିଛଣାରେ ମା’ ବାପା ସହ ଶୋଇଥିବା ବେଳେ ୮ ମାସର ଝିଅକୁ କାମୁଡ଼ିଲା ସାପ। ଝିଅର ଜୀବନ ବଞ୍ଚାଇବା ଆଶାରେ ତାଙ୍କ ବାପା ସାପ ସହିତ ଝିଅକୁ ଧରି ହସ୍ପିଟାଲରେ ପହଞ୍ଚିଥିଲେ। ମାତ୍ର ସେଠାରେ ଡାକ୍ତର ଶିଶୁକୁ ମୃତ ଘୋଷଣା କରିଥିଲେ। ଏଭଳି ଦୁଃଖଦ ଘଟଣା ଘଟିଛି ବାଲେଶ୍ୱର ଜିଲା ସିଂଲା ଥାନା ବାୟା ଗ୍ରାମରେ।
ରବିବାର ରାତିରେ ଦିଲୀପ ପାଣିଗ୍ରାହୀ ତାଙ୍କ ସ୍ତ୍ରୀ ୮ ମାସର ଶିଶୁ କନ୍ୟା ପ୍ରିୟଙ୍କାଙ୍କ ସହ ମଶାରି ଭିତରେ ଶୋଇଥିଲେ। ଭୋର ସମୟରେ ଝିଅଟି ହଠାତ୍ କାନ୍ଦିବାରୁ ମା’ବାପା ଉଠିଯାଇ ମଶାରି ଭିତରେ ଏକ ସାପ ବୁଲୁଥିବା ଦେଖିବାକୁ ପାଇଥିଲେ। ଏହାସହ ଝିଅର ହାତ ପାପୁଲିରେ ରକ୍ତ ବାହାରୁଥିବା ଦେଖି ସଙ୍ଗେ ସଙ୍ଗେ ପରିବାର ଲୋକେ ଉକ୍ତ ସାପକୁ ଏକ ଡବାରେ ପୂରାଇ ଝିଅକୁ ନେଇ ନିକଟସ୍ଥ ବସ୍ତା ହସ୍ପିଟାଲ ପହଞ୍ଚିଥିଲେ।