ଦିଗପହଣ୍ଡି, ୭।୧୧ (ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକକୁ ଶନିବାର ବାଚସ୍ପତି ଡ. ସୂର୍ଯ୍ୟ ନାରାୟଣ ପାତ୍ର ଗସ୍ତରେ ଆସିଛନ୍ତି। ଏହି ଅବସରରେ ସେ ବିଭିନ୍ନ ପ୍ରକଳ୍ପର ଲୋକାର୍ପଣ କରିଛନ୍ତି। ଏହା ସହ ଦିଗପହଣ୍ଡି ଏନ୍ଏସିର ମୁଖ୍ୟ ରାଜପଥ ଅଲୋକୀକରଣ ପାଇଁ ବାଚସ୍ପତି ପାତ୍ର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଅରକ୍ଷିତ ଦାସଙ୍କ ମଣ୍ଡପଠାରୁ ବସଷ୍ଟାଣ୍ଡ ପର୍ଯ୍ୟନ୍ତ ଥିବା ଡିଭାଇଡରରେ ୧ କୋଟି ୩୬ ଲକ୍ଷ ଟଙ୍କା ବ୍ୟୟ ଅଟକଳରେ ଲାଇଟ ଲଗାଯିବାର ବ୍ୟବସ୍ତା ହୋଇଛି ।
ଏଥି ସହିତ ଦିଗପହଣ୍ଡି ସହରର ସୌନ୍ଦର୍ଯ୍ୟକରଣ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ଏହି ଅଲୋକୀକରଣ କରାଯାଇଥିବା ବାଚସ୍ପତି ପାତ୍ର କହିଛନ୍ତି। ପରେ ସେ ନିଜ ନିର୍ବାଚନମଣ୍ଡଳୀ ଦିଗପହଣ୍ଡି ବ୍ଲକର ଆଙ୍କରଡା ପଞ୍ଚାୟତକୁ ଯାଇ ଉନ୍ନତିମୂଳକ ଯୋଜନା ଉଦ୍ଘାଟନ କରିଛନ୍ତି। ଶେଷରେ ସେ ଦିଗପହଣ୍ଡି ବ୍ଲକ କଇଠଡା ପଞ୍ଚାୟତର ମାର୍କେଟ କମ୍ପ୍ଲେକ୍ସ ଉଦ୍ଘାଟନ କରିବା ସହ କଲ୍ୟାଣପୁର ଗାଁର କୋଭିଡ ଯୋଦ୍ଧାଙ୍କୁ ସମ୍ମାନିତ କରିଥିଲେ।
