ନୂଆଦିଲ୍ଲୀ,୧୩।୨: ସାରା ଦେଶରେ ଏବେ ହିଜାବ ବିବାଦକୁ ନେଇ ରାଜନୀତି ସରଗରମ ହୋଇଛି। ଅନେକ ନେତା ହିଜାବ ଉପରେ ମନ୍ତବ୍ୟ ଦେଉଥିବାର ଦେଖାଯାଇଛି। ରବିବାର କର୍ନାଟକର କଂଗ୍ରେସ ନେତା ଜମ୍ମିର ଅହମ୍ମଦ ଏକ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି। ସେ କହିଛନ୍ତି, ମହିଳାମାନଙ୍କ ମୁହଁରେ ପରଦା ରହୁ ନ ଥିବାରୁ ଭାରତରେ ବଳାତ୍କାର ଘଟଣା ବଢିବାରେ ଲାଗିଛି। ସେ କହୁଥିବାର ଏକ ଭିଡିଓ ମଧ୍ୟ ଭାଇରାଲ ହୋଇଛି।
ମୁଁ ଭାବୁଛି ଭାରତର ବଳାତ୍କାର ଘଟଣା ବିଶ୍ୱରେ ସର୍ବାଧିକ। ମହିଳାମାନେ ପରଦା ପ୍ରଥାକୁ ମାନୁ ନ ଥିବାରୁ ଏଭଳି ଅପରାଧ ବଢୁଥିବା ସେ କହିଛନ୍ତି ।