ଖମାର,୧୪ା୩(ଡି.ଏନ.ଏ.): ପାଲଲହଡ଼ା ବ୍ଲକ ଖମାର ଥାନା ଶଙ୍ଖମୁର ଗ୍ରାମରେ ଫଗୁ ଦଶମୀ ପାଳିତ ହୋଇଯାଇଛି। ବିଗତ ୨ ବର୍ଷ ଧରି କୋଭିଡ୍ କଟକଣା ଯୋଗୁ ଫଗୁ ଦଶମୀ ନିରାଡ଼ମ୍ବର ରହିଥିବା ବେଳେ ଚଳିତ ବର୍ଷ ଏହା ଧୁମ୍ଧାମରେ ପାଳନ ହୋଇଥିଲା। ବିଶେଷକରି ଗୋପାଳମାନଙ୍କ ବାଡ଼ି ଖେଳ, ଘଣ୍ଟୁଆ, ନଦିଆ ଓ ସଂକୀର୍ତ୍ତନ ମାଧ୍ୟମରେ ସହ୍ରସାଧିକ ଲୋକଙ୍କ ଗହଣରେ ପ୍ରଭୁ ରାଧାକୃଷ୍ଣଙ୍କ ପ୍ରତିମାକୁ ମନ୍ଦିର ବାହାରକୁ ଆଣାଯାଇ ଫଗୁ ଦଶମୀ ବିଧି ଆରମ୍ଭ କରାଯାଇଥିଲା। ଦିଅଁ ଦର୍ଶନ କରିବା ସହିତ ଲୋକେ ଫଗୁ ଖେଳରେ ମଜ୍ଜି ଯାଇଥିଲେ। ରବିବାରଠାରୁ ରାଧାକୃଷ୍ଣଙ୍କୁ ପାଲିଙ୍କିରେ ବସାଇ ଗ୍ରାମ ପରିକ୍ରମା କରିବାର କାର୍ଯ୍ୟକ୍ରମ ରହିଛି। ୧୭ ତାରିଖ ରାତିରେ ହୋଲପୋଡା ବିଧି ଅନୁଷ୍ଠିତ ହେବ ବୋଲି ଗ୍ରାମ କମିଟି ଓ ଯୁବକ ସଂଘ ତରଫରୁ ସୂଚନା ଦିଆଯାଇଛି। ଏଥିସହିତ ଚଳିତବର୍ଷ ଦୋଳଯାତ୍ରା ଧୁମଧାମରେ ପାଳନ କରିବାକୁ ମଧ୍ୟ ପ୍ରସ୍ତୁତି କରାଯାଇଥିବା ଜଣାପଡ଼ିଛି।