ମୁମ୍ବାଇ: ପ୍ରସିଦ୍ଧ ଗାୟକ-ରାପର ବାଦଶାହ ଏବଂ ପାକିସ୍ତାନୀ ଅଭିନେତ୍ରୀ ହାନିୟା ଆମିରଙ୍କ ମଧ୍ୟରେ ଡେଟିଂର ଗୁଜବ କିଛି ସମୟ ଧରି ଚାଲିଛି। ଯେତେବେଳେ ରାପର୍ ଦୁବାଇରେ ଥିଲେ, ସେଠାରେ ସେ ଅଭିନେତ୍ରୀଙ୍କୁ ଭେଟିଥିଲେ। ଅଭିନେତ୍ରୀ ସେମାନଙ୍କ ସୋସିଆଲ ମିଡିଆରେ ଏକାଠି ବୁଲୁଥିବା ଅନେକ ଫଟୋ ଏବଂ ଭିଡିଓ ଶେୟାର କରିଥିଲେ ଏବଂ ଶୀଘ୍ର ଏହି ଫଟୋଗୁଡ଼ିକ ଭାଇରାଲ ହେଲା। ଦୁହେଁ ଡେଟିଂ କରୁଛନ୍ତି କି ନାହିଁ ଇଣ୍ଟରନେଟରେ କଳ୍ପନାଜଳ୍ପନା ଚାଲିଥିଲା। ପୁଣିଥରେ, ହାନିୟା ଡେଟିଂ ଗୁଜବ ମଧ୍ୟରେ ବାଦଶାହ ଏବଂ ତାଙ୍କ ପାର୍ଟିର ଏକ ଫଟୋ ଶେୟାର କରିଛନ୍ତି।
ବାଦଶାହଙ୍କ ସହ ତାଙ୍କ ଆଉଟିଂର ଝଲକ ଶେୟାର କରୁଥିବାବେଳେ ହାନିଆ ଆମୀର କିଛି ଫଟୋ ଶେୟାର କରିଛନ୍ତି। କିଛି ସମୟ ପୂର୍ବରୁ, ପାକିସ୍ତାନୀ ଅଭିନେତ୍ରୀ ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ବାଦଶାହ ଏବଂ ସାଙ୍ଗମାନଙ୍କ ସହ ଫଟୋ ଶେୟାର କରିଥିଲେ, ଯେଉଁଥିରେ ସେମାନେ ଏକାଠି ବୁଲୁଥିବାର ଏବଂ ପାର୍ଟି କରୁଥିବା ଦେଖିବାକୁ ମିଳିଛି। ସେମାନଙ୍କ ସଂପର୍କରେ ଥିବା କଳ୍ପନାଜଳ୍ପନା ମଧ୍ୟରେ, ଏହି ଫଟୋଗୁଡ଼ିକ ନିଆଁରେ ଇନ୍ଧନ ଯୋଗାଇଛି।
ଏହି ପୋଷ୍ଟ ଶେୟାର କରିବାବେଳେ ସେ କୌଣସି କ୍ୟାପଶନ ଲେଖି ନାହାଁନ୍ତି, କିନ୍ତୁ ଇମୋଜି ଶେୟାର କରିଛନ୍ତି। ଏହି ପୋଷ୍ଟରର କ୍ୟାପଶନରେ ଅଭିନେତ୍ରୀ ଏକ ଚା କପ ଇମୋଜି ଯୋଡିଛନ୍ତି। ଏଥିରେ ମନ୍ତବ୍ୟ ଦେଇ ବାଦଶାହା ଥଟ୍ଟା କରି ଲେଖିଛନ୍ତି – OJLE NU ଏବଂ ହାନିୟା ଉତ୍ତର ଦେଇଛନ୍ତି, ‘ବ୍ୟାଡବୟଶାହା।’