ଲକ୍ଷ୍ନୌ,୫।୧୧: ଉତ୍ତରପ୍ରଦେଶର ବାଗପତର ବିନୟପୁର ଗାଁର ମସଜିଦରେ ସୌହାର୍ଦ୍ଦ୍ୟ ତଥା ଭାଇଚାରା ନାମରେ ହନୁମାନ ଚାଳିସା ଏବଂ ଗାୟତ୍ରୀ ମନ୍ତ୍ର ପାଠ କରିବାକୁ ଅନୁମତି ଦେଇଥିବା ମୌଲାନାଙ୍କୁ ମସଜିଦରୁ ହଟାଇ ଦିଆଯାଇଛି। ମୁସଲିମ ସମ୍ପ୍ରଦାୟର ଲୋକଙ୍କ ସଭାରେ ଗୁପ୍ତ ଭାବେ ଏହି ନିଷ୍ପତ୍ତି ନିଆଯାଇଛି। ଏହାର ଫଳସ୍ବରୂପ ମୌଲାନା ନିଜର ଜିନିଷପତ୍ର ନେଇ ଗାଜିଆବାଦର ଲୋନି ପଳାଇଛନ୍ତି। ସେପଟେ ମୌଲବୀଙ୍କୁ ସମର୍ଥନ କରି ହିନ୍ଦୁ ସମାଜର ଲୋକମାନେ ଏକ ପଞ୍ଚାୟତ ବୈଠକ ଡାକିବାକୁ ପ୍ରସ୍ତୁତି ଆରମ୍ଭ କରିଛନ୍ତି। ଖେକଡା ଅଞ୍ଚଳର ବିନୟପୁର ଗ୍ରାମରେ ଭାଜପା ନେତା ମନୁପାଲ ବଂଶଲ ଗତ ମଙ୍ଗଳବାର ମସଜିଦରେ ମୌଲାନା ଅଲି ହାସନଙ୍କ ଅନୁମତି ନେବା ପରେ ହନୁମାନ ଚାଳିସା, ଗାୟତ୍ରୀ ମନ୍ତ୍ର ପାଠ କରିଥିଲେ। ଫେସବୁକରେ ହନୁମାନ ଚଲିସାଙ୍କ ପାଠର ମଧ୍ୟ ଲାଇଭ କରାଯାଇଥିଲା। ଏହି ବିଷୟରେ ସୋସିଆଲ ମିଡିଆରେ ବିଭିନ୍ନ ପ୍ରତିକ୍ରିୟା ପ୍ରକାଶ ପାଇଥିଲା। ବୁଧବାର ଏହି ଘଟଣାରେ ଏକ ନୂଆ ମୋଡ଼ ଆସିଥିଲା। ହନୁମାନ ଚାଳିଶା ପାଠକୁ ନେଇ ମୁସଲମାନ ସମାଜର ଲୋକମାନେ ଅସନ୍ତୋଷ ବ୍ୟକ୍ତ କରିଥିଲେ। ଏପରେ ଏକ ବୈଠକ ଡକାଇ ମୌଲାନାଙ୍କୁ ମସଜିଦରୁ ବହିଷ୍କାର କରାଯାଇଥିଲା। ଅନ୍ୟପକ୍ଷରେ ମନୁପାଲ କହିଛନ୍ତି ଯେ ଏହା ଭୁଲ ନିଷ୍ପତ୍ତି ଅଟେ। ମୌଲାନା ଭାଇଚାରାର ବାର୍ତ୍ତା ଦେଇଥିଲେ ବୋଲି ସେ କହିଛନ୍ତି।
