ଭୁବନେଶ୍ୱର,୭।୬(ବ୍ୟୁରୋ): ଆଉ ୩ଦିନ ପରେ ଘରେ ଆରମ୍ଭ ହୋଇଥାନ୍ତା ଭାଇର ବାହାଘର। ସବୁକିଛି କାମ ସାରି ଭାଇ ଦିନେଶ ଯାଦବ ଯଶୋବନ୍ତ-ହାଓଡା ଏକ୍ସପ୍ରେସରେ ଶାଲିମାର ଆସୁଥିଲା। ସେଠୁ ଲୋକାଲ ଟ୍ରେନ୍ ମାଧ୍ୟମରେ ଝାଡଖଣ୍ଡର ଦେବଘର ଜିଲାକୁ ଆସିଥାନ୍ତେ। କିନ୍ତୁ କାଳର କରାଳ ରୂପ ମୋ ଭାଇକୁ ମୋଠାରୁ ଛଡାଇ ନେଲା। ବାହା ବେଦୀରେ ବସିବା ପୂର୍ବରୁ ମଶାଣିରେ ଭାଇର ଜୁଇ ଜଳିବ। ଘରେ ଖୁସି ବଦଳରେ କାନ୍ଦବୋବାଳି ଫାଟିପଡୁଛି ବୋଲି ଦିନେଶଙ୍କ ମୃତଦେହ ପାଇବା ପରେ କୋହଭରା କଣ୍ଠରେ ସାନଭାଇ ସଦାନନ୍ଦ ଏହା କହିଛନ୍ତି। ୩୨ ବର୍ଷୀୟ ଦିନେଶ ବେଙ୍ଗାଲୁରୁର ଏକ କମ୍ପାନୀରେ କାମ କରନ୍ତି। ବାହାଘର ଲାଗି ସେ ନିଜ ଘର ଝାଡଖଣ୍ଡ ଯାଉଥିଲେ। ଟ୍ରେନ୍ ଦୁର୍ଘଟଣାରେ ତାଙ୍କର ମୃତ୍ୟୁ ଘଟିଥିବା ଖବର ପହଞ୍ଚତ୍ଥିଲା। କିନ୍ତୁ ଟ୍ରେନ ଚଳାଚଳ ସୁବିଧା ନଥିବାରୁ ଆସିପାରୁ ନ ଥିଲି। ମଙ୍ଗଳବାର ସଦାନନ୍ଦ ଯାଦବ ଭୁବନେଶ୍ୱର ଏମ୍ସରେ ନିଜ ଭାଇର ମୃତଦେହକୁ ଚିହ୍ନିବା ପରେ ନିଜ ଘରକୁ ନେଇଯାଇଛନ୍ତି।