ଜାତିଆଣ କଟୁ ମନ୍ତବ୍ୟ ମାମଲା: ଛତ୍ରପୁରର ପୂର୍ବତନ ବିଧାୟକଙ୍କୁ ଜାମିନ
8:47 amOctober 14, 2022October 14, 2022 / 05

ବ୍ରହ୍ମପୁର ଅଫିସ,୧୪ା୧୦: ଜାତିଆଣ କଟୁ ମନ୍ତବ୍ୟ ମାମଲାରେ ଛତ୍ରପୁର ପୂର୍ବତନ ବିଧାୟକ ଏନ୍‌.ନାରାୟଣ ରେଡ୍ଡୀ ଗୁରୁବାର ଜାମିନ ପାଇଛନ୍ତି। ୨୦୦୪ରେ ରାୟଗଡ଼ା ଜିଲା ଟିକିରିରେ ଏକ ଆଦିବାସୀ ସମ୍ମିଳନୀ ହୋଇଥିଲା। ଉକ୍ତ ସଭାରେ ଯୋଗଦେଇ ଏନ୍‌. ନାରାୟଣ ରେଡ୍ଡୀ ଏକ ଜାତିକୁ ଆକ୍ଷେପ କରି କଟୁ ମନ୍ତବ୍ୟ ଦେଇଥିଲେ। ଏନେଇ ରାୟଗଡା ଜିଲା ଟିକିରିର କମଳ ଲୋଚନ ସାଉଁଟା ଟିକିରି ଥାନାରେ ଅଭିଯୋଗ କରିଥିଲେ। ପୋଲିସ ନଂ.ରେ ୮୪/୦୪ ରେ ନାରାୟଣଙ୍କ ନାମରେ ଏକ ମାମଲା ରୁଜୁ କରିଥିଲା। ଏହି ମାମଲାରେ ଗୁରୁବାର ଉଭୟ ପକ୍ଷ ହାଜର ହୋଇଥିଲେ। ଅଭିଯୋଗକାରୀ କମଳ ଲୋଚନ ନାରାୟଣଙ୍କୁ ମୁଁ ଜାଣିନାହିଁ ବୋଲି କୋର୍ଟରେ କହିଥିଲେ। ସେହିପରି ପୋଲିସ ମୋତେ ଏକ କାଗଜରେ ଦସ୍ତଖତ କରିବାକୁ କହିଥିଲା। ଏଣୁ ମଁୁ ଦସ୍ତଖତ କରିଥିଲି ବୋଲି ସେ କୋର୍ଟରେ ଦାଖଲ କରିଥିବା ସତ୍ୟପାଠରେ ଦର୍ଶାଇଥିଲେ । ପରେ ଜଜ ଦାୟିତ୍ୱରେ ଥିବା ଏଡିଜେ ରାଜ କୁମାର ଦାସ ନାରାୟଣଙ୍କୁ ଜାମିନ ପ୍ରଦାନ କରିଛନ୍ତି।