ନୂଆଦିଲ୍ଲୀ,୩୦।୧୧: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଫ୍ରାଞ୍ଚାଇଜ ସନରାଇଜର୍ସ ହାଇଦ୍ରାବାଦ୍ (ଏସ୍ଆରଏଚ୍) ପୂର୍ବତନ ଅଧିନାୟକ ତଥା ଷ୍ଟାର ଓପନର ଡେଭିଡ୍ ଓ୍ବାର୍ନର ଓ ଜନ୍ନି ବେଆରଷ୍ଟୋଙ୍କୁ ରିଟେନ କରିନାହିଁ। ଆଇପିଏଲରେ ଦୁଇଟି ନୂଆ ଫ୍ରାଞ୍ଚାଇଜ ସାମିଲ ହୋଇଥିବାରୁ ଆଗାମୀ ସିଜନ ପୂର୍ବରୁ ଏକ ମେଗା ଅକଶନ ଅନୁଷ୍ଠିତ ହେବାର ଅଛି। ଏଥି ଲାଗି ବିସିସିଆଇ ପକ୍ଷରୁ ପ୍ରତ୍ୟେକ ଫ୍ରାଞ୍ଚାଇଜକୁ ମଙ୍ଗଳବାର (ନଭେମ୍ବର ୩୦) ସୁଦ୍ଧା ସେମାନଙ୍କ ରିଟେନ ଓ ରିଲିଜଡ୍ ଖେଳାଳିଙ୍କ ତାଲିକା ପ୍ରକାଶ କରିବାକୁ ନିର୍ଦ୍ଦେଶ ଦେଇଥିଲା।
“ବର୍ଷ ବର୍ଷ ଧରି ଏସ୍ଆର୍ଏଚ୍ ପାଇଁ ଯୋଗଦାନ ଦେଇଥିବା ଖେଳାଳିଙ୍କୁ ଆମେ ଧନ୍ୟବାଦ ଜଣାଉଛୁ। ଏହା ବିଦାୟ ନୁହେଁ। ଅକଶନରେ ଆମେ ଖେଳାଳିଙ୍କୁ ଫେରାଇ ଆଣିବାକୁ ଆଶା ରଖିଛୁ” ବୋଲି ଏସ୍ଆରଏଚ୍ ଇନଷ୍ଟାଗ୍ରାମରେ ଏକ ପୋଷ୍ଟ କରାଯାଇଛି।