ଢେଙ୍କାନାଳ ଅଫିସ, ୧୦।୧୦: ଢେଙ୍କାନାଳ ଜୁବିଲି ଟାଉନ ବଜାରସ୍ଥିତ ମହିଷାପାଟ ଛକ ନିକଟରେ ରବିବାର ସନ୍ଧ୍ୟାରେ ‘ବୈଶାଖୀ ବାଣିଜ୍ୟ ମେଳା’ ଉଦ୍ଘାଟିତ ହୋଇଛି। ମେଳା ପରିସରରେ ୧୨୫ ଷ୍ଟଲ୍ ଖୋଲାଯାଇଛି। ୨୦୦ଟଙ୍କାର ମସଲା କିଣିଲେ ବିଭିନ୍ନ ପୁରସ୍କାର ରହିଛି। ସେହିପରି ମେଳାରେ ବିଭିନ୍ନ ରାଜ୍ୟର ପୋଷାକ, ଶାଢ଼ୀ, ହସ୍ତତନ୍ତ, ମନୋହରି ସାମଗ୍ରୀ ପ୍ରଦର୍ଶିତ ହେଉଛି। ରାଜସ୍ଥାନର ପାରମ୍ପରିକ ଖାଦ୍ୟ, ବାରିପଦାର ମୁଢ଼ିମାଂସ, ପତ୍ରପୋଡ଼ା ମାଛ ଭଳି ସ୍ବାଦିଷ୍ଟ ବ୍ୟଞ୍ଜନ ପାଇଁ ସ୍ବତନ୍ତ୍ର ଷ୍ଟଲ୍ ଖୋଲିଛି। ଦୈନିକ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେବ। ମେଳାକୁ ଆକର୍ଷଣୀୟ କରିବା ପାଇଁ ରୁଚି ମସଲା ପକ୍ଷରୁ ବ୍ୟାପକ ପଦକ୍ଷେପ ନିଆଯାଇଥିବା ଜୁବିଲିଟାଉନ୍-୧ ପୂଜା ପ୍ରତିଷ୍ଠାନର ସଭାପତି ଅମ୍ବିକା ପ୍ରସାଦ ପଟ୍ଟନାୟକ, ସମ୍ପାଦକ ବିନୋଦ କୁମାର ମହାନ୍ତି ପ୍ରମୁଖ ସୂଚନା ଦେଇଛନ୍ତି ା ଏହି ମେଳା ୯ ରୁ ୧୮ ତାରିଖ ପର୍ଯ୍ୟନ୍ତ ଚାଲିବ। ଉଦ୍ଘାଟନୀ ଉତ୍ସବରେ ଜିଲାପାଳ ସରୋଜ କୁମାର ସେଠୀ, ଦିଲୀପ ସାହୁ, ଦେବୀ ପ୍ରସାଦ ଦାସ, ସଞ୍ଜୀବ ବେହେରା, ରମେଶ ସାହୁ ଉଦ୍ଘାଟନୀ କାର୍ଯ୍ୟକ୍ରମରେ ମଞ୍ଚାସୀନ ଥିଲେ।