![](https://www.dharitri.com/wp-content/uploads/2023/07/7-47.jpg)
ଚିତ୍ରକୋଣ୍ଡା,୨୫।୭(କ୍ଷିରୋଦ କୁମାର ବେହେରା) ମାଲକାନଗିରି ଜିଲା ବନଖଣ୍ଡ ଅଧିନସ୍ଥ ଚିତ୍ରକୋଣ୍ଡା ବନାଞ୍ଚଳ ଆନୁକୂଲ୍ୟରେ ବଜ୍ରକାପ୍ତା ଉଦ୍ଧାର କରାଯାଇଛି l ଚିତ୍ରକୋଣ୍ଡା ବନାଞ୍ଚଳ ଅଧିକାରୀ ବଳରାମ ନାୟକ ଏବଂ ଚିତ୍ରକୋଣ୍ଡା ବନପାଳ ମୃତ୍ୟୁଞ୍ଜୟ ସେଠିଙ୍କ ଠାରୁ ମିଳିଥିବା ସୂଚନା ଅନୁଯାଇ ସୋମବାର ବିଳମ୍ବିତ ରାତି ୧୧ଟା ସମୟରେ ଚିତ୍ରକୋଣ୍ଡା ପଞ୍ଚାୟତ ଗୋଜିଆଗୁଡା ଗ୍ରାମ ସ୍ଥିତ ଶିବମନ୍ଦିର ପାର୍ଶ୍ୱରେ ଏକ ବଜ୍ରକାପ୍ତା ବୁଲୁଥିବାର ଲୋକେ ଦେଖି ଚିତ୍ରକୋଣ୍ଡା ବନାଞ୍ଚଳ କର୍ମଚାରୀଙ୍କୁ ଜଣାଇ ଥିଲେ। ଚିତ୍ରକୋଣ୍ଡା ବନାଞ୍ଚଳ ସ୍ବତନ୍ତ୍ର ଟିମ୍ ତତ୍କ୍ଷଣାତ୍ ସେଠାରେ ପହଞ୍ଚି ବଜ୍ରକାପ୍ତାକୁ ଧରଥିଲେ। ପରେ ତାକୁ ଚିତ୍ରକୋଣ୍ଡା ବନାଞ୍ଚଳ କାର୍ଯ୍ୟାଳୟ ସ୍ବତନ୍ତ୍ର ଜାଲି କୋଠରୀରେ ରଖି ତାର ସ୍ବାସ୍ଥ୍ୟ ପରୀକ୍ଷା କରିଥିଲେ। ଏଥିଲାଗି ପଶୁ ଚିକିତ୍ସକଙ୍କୁ ଡକାଇ ପରୀକ୍ଷା ନିରୀକ୍ଷା କରି ତାର ସ୍ବାସ୍ଥ୍ୟବସ୍ଥା ଭଲ ଥିବା ଜାଣିବାକୁ ପାଇଥିଲେ। ବଜ୍ରକାପ୍ତାଟି ଆନୁମାନିକ ଦୁଇ ବର୍ଷ ଏବଂ ଆଠ କେଜି। ଲଗାଣ ବର୍ଷାରେ ଗାତ ମାନଙ୍କରେ ପାଣି ପଶିଯାଉଥିବା କାରଣରୁ ବଜ୍ରକାପ୍ତା ଛୁଆଟି ବାହାରେ ବୁଲୁଥିଲା l ଧରିବା ପରେ ତାକୁ ଦୂର ଜଙ୍ଗଲ ଭିତରେ ସୁରକ୍ଷାର ସହ ଛାଡ଼ି ଦିଆଯିବ ବୋଲି ବନାଞ୍ଚଳ ଅଧିକାରୀ ବଳରାମ ନାୟକ ପ୍ରକାଶ କରିଛନ୍ତି l