ସଜନାଗଡ଼, ୨୨।୧୦(ଡି.ଏନ.ଏ.)-ବାଲେଶ୍ୱର ଜିଲା ସୋର ଥାନା ଅଧୀନ ମହୁମୁହାଣ ଗ୍ରାମରେ ଗୁରୁବାର ବନବିଭାଗ ପକ୍ଷରୁ ଚଢ଼ାଉ କରାଯାଇ ଏକ ବଜ୍ରକାପ୍ତା ଉଦ୍ଧାର କରାଯାଇଛି। ଏଥିରେ ସମ୍ପୃକ୍ତ ଅଭିଯୋଗରେ ସୁଦର୍ଶନ ନାୟକ (୫୫)ଙ୍କୁ ଗିରଫ କରାଯାଇଛି। ଏହି ବଜ୍ରକାପ୍ତାର ଓଜନ ୧୨କି.ଗ୍ରା. ହେବ। ଏନେଇ ଏକ ମାମଲା (ନଂ. ୩୩/୨୦) ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି।
ଏସିଏଫ୍ ତପନ କୁମାର ପରିଡ଼ା ଓ ଏସିଏଫ୍ ସମୀର କୁମାର ସାହୁଙ୍କ ନେତୃତ୍ୱରେ ସୋର ରେଞ୍ଜର ବବିତା ସରେନ୍, ଫରେଷ୍ଟର ଗଣେଶ ପ୍ରସାଦ ଲେଙ୍କା, କିଶୋର ଚନ୍ଦ୍ର ଭୂୟଁା, ଗାର୍ଡ ପଦ୍ମଲୋଚନ ପାତ୍ର, କୁଳଡିହା ରେଞ୍ଜର ହାତୀଖୁଲିଆ ବିଟ୍ର ବିଜୟ କୁମାର ସାହୁ, ନୀଳଗିରି ରେଞ୍ଜର ମନ୍ୱାର୍ ଖଁାଙ୍କ ସମେତ ସବୁଜ ବାହିନୀ ସୁଦର୍ଶନଙ୍କ ଘରେ ଚଢ଼ାଉ କରିଥିଲେ। ସେ ୨୦ତାରିଖରେ ବିଲକୁ ଯାଇଥିବା ବେଳେ ବଜ୍ରକାପ୍ତା ପାଇ ପାଳିବା ଉଦ୍ଦେଶ୍ୟରେ ଘରେ ଆଣି ରଖିଥିଲେ ବୋଲି ସୂଚନା ଦେଇଛନ୍ତି। ଜବତ ବଜ୍ରକାପ୍ତାର ମୂଲ୍ୟ ଅନ୍ତର୍ଜାତୀୟ ବଜାରରେ ୧୦ଲକ୍ଷ ଟଙ୍କାରୁ ଊର୍ଦ୍ଧ୍ୱ ହେବ ବୋଲି ବନବିଭାଗ ପକ୍ଷରୁ ସୂଚନା ମିଳିଛି।