ନୂଆଦିଲ୍ଲୀ,୧୨।୫: ଦିଲ୍ଲୀର ଜନ୍ତର ମନ୍ତରରେ ରେସଲିଂ ଫେଡେରେସନ ଅଫ ଇଣ୍ଡିଆର ଅଧ୍ୟକ୍ଷ ବ୍ରିଜ ଭୂଷଣ ଶରଣ ସିଂଙ୍କ ବିରୋଧରେ ପ୍ରଦର୍ଶନ କରୁଥିବା କୁସ୍ତି ଯୋଦ୍ଧାମାନେ କଳା ପଟି ପିନ୍ଧିଥିବାର ନଜର ଆସିଥିଲେ। କୁସ୍ତିଯୋଦ୍ଧାମାନେ ଗୁରୁବାର ଅର୍ଥାତ ୧୧ ମେକୁ କଳା ଦିନ ବୋଲି କହିଥିଲେ। ବଜରଙ୍ଗ ପୁନିଆ ଅଭିଯୋଗ କରିଛନ୍ତି ଯେ ତାଙ୍କ ଫୋନ ନମ୍ବର ଟ୍ରାକ କରାଯାଉଛି।
ନ୍ୟୁଜ ଏଜେନ୍ସି ପିଟିଆଇର ସୂଚନା ଅନୁଯାୟୀ ରେସଲର ବଜରଙ୍ଗ ପୁନିଆ, ବିନେଶ ଫୋଗାଟ, ସାଖି ମଲିକ ତଥା ସତ୍ୟବ୍ରତ କାଦିଆନ ଏବଂ ଜିତେନ୍ଦ୍ର ସେମାନଙ୍କ କପାଳରେ କଳା ବ୍ୟାଣ୍ଡ ବାନ୍ଧିଥିବା ବେଳେ ବ୍ରିଜ ଭୂଷଣ ସିଂଙ୍କ ନିଷ୍କ୍ରିୟତାକୁ ବିରୋଧ କରି କିଛି ସମର୍ଥକ ଏହାକୁ ବାହୁରେ ବାନ୍ଧିଥିଲେ। କୁସ୍ତିଯୋଦ୍ଧାମାନେ ଜଣେ ନାବାଳିକାଙ୍କ ସମେତ ଅନେକ ମହିଳା କୁସ୍ତିଯୋଦ୍ଧାଙ୍କୁ ଯୌନ ନିର୍ଯ୍ୟାତନା ଦେଇଥିବା ଅଭିଯୋଗ କରି ବ୍ରିଜ ଭୂଷଣଙ୍କୁ ଗିରଫ କରିବାକୁ ଦାବି କରୁଛନ୍ତି।