ନୂଆଦିଲ୍ଲୀ, ୧୦ା୧୨ (ପି.ଟି.)-ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଥିବା ରେସ୍ଲର ବଜରଙ୍ଗ ପୁନିଆ ଓ ଶୁଟର ଇଲାଭେନିଲ ଭାଲାରିଭାନ ଏଫ୍ଆଇସିସିଆଇ ଇଣ୍ଡିଆ ସ୍ପୋଟର୍ସ ଆଓ୍ବାର୍ଡ ପୁରସ୍କାରରେ ସମ୍ମାନିତ ହୋଇଛନ୍ତି। କୋଭିଡ୍ ଯୋଗୁ ଚଳିତବର୍ଷ ପୁରସ୍କାର ଉତ୍ସବ ଭର୍ଚୁଆଲି ଅନୁଷ୍ଠିତ ହୋଇଥିଲା। ୨୦୧୦-୨୦ ସିଜନରେ ଏହି ଦୁଇ ଆଥଲେଟ୍ ପ୍ରଭାବୀ ପ୍ରଦର୍ଶନ କରିଥିଲେ। ଦୁହେଁ ସେମାନଙ୍କ କାଟେଗୋରିରେ ସ୍ପୋଟର୍ସ ପର୍ସନ ଅଫ୍ ଦି ଇୟର ପୁରସ୍କାର ଲାଭ କରିଛନ୍ତି। ଫ୍ରିଷ୍ଟାଇଲ ରେସ୍ଲର ବଜରଙ୍ଗ ବର୍ତ୍ତମାନ ଯୁକ୍ତରାଷ୍ଟ୍ର ଆମେରିକାରେ ଟ୍ରେନିଂ ନେଉଛନ୍ତି। ପୁରସ୍କାର ପାଇବା ପରେ ସେ ନିଜର ଖୁସି ବ୍ୟକ୍ତ କରିଛନ୍ତି। ପୁରସ୍କାର ପାଇ ସେ ଉତ୍ସାହିତ। ଭବିଷ୍ୟତରେ ଦେଶ ପାଇଁ ଅଧିକରୁ ଅଧିକ ପଦକ ଜିତିବା ଲାଗି ସେ ତାଙ୍କ ପ୍ରୟାସ ଜାରି ରଖିଥିବା କହିଛନ୍ତି। ଇଲାଭେନିଲ କହିଛନ୍ତି ସେ ପ୍ରଥମେ ତାଙ୍କ ପରିବାରକୁ ଧନ୍ୟବାଦ ଜଣାଇବେ। ଯେଉଁମାନେ ସବୁ ପରିସ୍ଥିତିରେ ତାଙ୍କୁ ସାଥ୍ ଦେଇଛନ୍ତି। ପୁନଶ୍ଚ ତାଙ୍କ ମେଣ୍ଟର ଗଗନ ନାରଙ୍ଗ ଏବଂ କୋଚ୍ ନେହା ଚୌହାନ ମଧ୍ୟ ତାଙ୍କ ଉପରେ ଆସ୍ଥା ରଖିଆସିଛନ୍ତି।