ନୂଆଦିଲ୍ଲୀ, ୨୦ା୧୦ (ପି.ଟି.)-ଭାରତୀୟ ମହିଳା ଫୁଟ୍ବଲ ଟିମ୍ ଫରଓ୍ବାର୍ଡ ବାଲା ଦେବୀ ସୁଦୂର ସ୍କଟଲାଣ୍ଡରରେ ଖେଳ ପଡ଼ିଆକୁ ଫେରିଛନ୍ତି। ଏହି ଦେଶର ଅନ୍ୟତମ ଅଗ୍ରଣୀ ମହିଳା ଫୁଟ୍ବଲ କ୍ଲବର ହାଟର୍ସ ଓମେନ୍ ଏଫ୍ସି ବିପକ୍ଷ ମ୍ୟାଚର ଦ୍ୱିତୀୟାର୍ଦ୍ଧରେ ସେ ରେଞ୍ଜର୍ସ ଏଫ୍ସିି ତରଫରୁ ବଦଳ ଖେଳାଳି ଭାବେ ଖେଳିଛନ୍ତି। ଏହି ମ୍ୟାଚରେ ରେଞ୍ଜର୍ସ ଏଫ୍ସି ୫-୧ ଗୋଲରେ ବିଜୟ ଲାଭ କରିଥିଲା। କୋଭିଡ୍-୧୯ ମହାମାରୀ ଯୋଗୁ ବିଶ୍ୱବ୍ୟାପୀ ଲକ୍ଡାଉନ୍ ଯୋଗୁ ବହୁ ଦିନ ଧରି ଖେଳ ବନ୍ଦ ରହିଥିଲା। ମଣିପୁରର ୩୦ବର୍ଷୀୟା ମହିଳା ଫୁଟ୍ବଲର ନିଜ ଦେଶରେ ଅଧିକ ଦିନ ନ ରହି ଆଗୁଆ ଗ୍ଲାସ୍ଗୋକୁ ଫେରିଯାଇଥିଲେ। ରବିବାରଠାରୁ ସ୍କଟିଶ ମହିଳା ପ୍ରିମିୟର ଲିଗ୍ ଆରମ୍ଭ ହୋଇଛି। ରେଞ୍ଜର୍ସ ଓମେନ୍ ଏଫ୍ସି ସହଜ ବିଜୟ ସହ ଅଭିଯାନ ଆରମ୍ଭ କରିଛି। ହାଟର୍ସ ଓମେନ୍ ଏଫ୍ସି ବିପକ୍ଷ ମ୍ୟାଚ ପୂର୍ବରୁ ବାଲା ରେଞ୍ଜର୍ସ ପାଇଁ ୨ମାସ ହେଲା ଟ୍ରେନିଂ ନେଇ ଆସୁଥିଲେ। ଗ୍ଳାସେ୍ଗୋସ୍ଥିତ ନିଜ ବାସଭବନ ଓ ଇନ୍ଡୋରେ ସେ ହୋମଓ୍ବାର୍କ କରୁଥିଲେ। ନିକଟବର୍ତ୍ତୀ ଏକ ପାର୍କରେ ତାଙ୍କୁ ଦୌଡ଼ିବା ସହ ଆଉଟଡୋର୍ ଟ୍ରେନିଂ ସୁବିଧା ମିଳିଥିଲା। କେବଳ ସେତିକି ନୁହେଁ ଭାରତୀୟ ମହିଳା ଦଳର ସଦସ୍ୟମାନଙ୍କ ସହ ସେ ଏକତ୍ର ଅନ୍ଲାଇନ୍ରେ ଟ୍ରେନିଂରେ ସାମିଲ ହୋଇଥିଲେ। ହେଲେ ବିଦେଶରେ ନୂଆ ବାସସ୍ଥାନରେ ସବୁବେଳେ ଏହା ସହଜ ନୁହେଁ। ପ୍ରଥମ ମାସ ମୁଁ ଏକାକୀ ଅନୁଭବ କରିଥିଲି। କାରଣ ୟୁନାଇଟେଡ୍ କିଙ୍ଗଡମ ଅବା ପଡ଼ୋଶୀ ଦେଶ ହୋଇଥିବାରୁ ଅଧିକାଂଶ ଖେଳାଳି ସେମାନଙ୍କ ଘରକୁ ଚାଲିଯାଇଥିଲେ। ସେ ଅନ୍ୟ କେତେଜଣ ଆଗୁଆ ଫେରି ଆସିଥିଲେ ବୋଲି ବାଲା କହିଛନ୍ତି।