କୋରାପୁଟ,୧୪ା୧୦(ଅମିତାଭ ବେହେରା): କୋରାପୁଟ ଟାଉନ ପୋଲିସକୁ ଏକ ବଡ଼ ସଫଳତା ମିଳିଛି। କୋରାପୁଟ ବାଲାଜୀ ମନ୍ଦିରର ହୁଣ୍ଡି ଚୋରି ଘଟଣାର ପର୍ଦ୍ଦାଫାଶ ହୋଇଥିବା ବେଳେ ଏଥିରେ ସଂପୃକ୍ତ ୩ ଜଣ ଯୁବକକୁ କୋରାପୁଟ ଟାଉନ ପୋଲିସ ଗିରଫ କରି କୋର୍ଟଚାଲାଣ କରିଥିବା ଶନିବାର ଟାଉନଥାନା ପରିସରରେ ଆୟୋଜିତ ଏକ ଖବରଦାତା ସମ୍ମିଳନୀରେ ପୋଲିସ ଏସ୍ଡିପିଓ ଶ୍ରାବଣୀ ନାୟକ ସୂଚନା ଦେଇଛନ୍ତି। ଗିରଫ ୩ ଅଭିଯୁକ୍ତ ହେଲେ ଘଟଣାର ମୁଖ୍ୟ ଅଭିଯୁକ୍ତ କୋରାପୁଟ ଢେପସାହିର ବି ଶଙ୍କର(୧୯), ପରଜା ସାହିର ରୋହଣ ଖିଲ(୧୯) ଏବଂ ସହରର ନିଶାଣିମୁଣ୍ଡା ଅଞ୍ଚଳରୁ କ୍ରୀଷ୍ଣା ନାଗ(୨୩)। ସେମାନଙ୍କଠାରୁ ନଗଦ ୬ ହଜାର ୨୫୦ ଟଙ୍କା ଜବତ କରାଯାଇଥିବା ବେଳେ ଦୁଇଟି ଲୁହା ରଡ୍, ଗୋଟିଏ ଲୁହା ପ୍ଲେଟ୍ କଟର, ଗୋଟିଏ ହାତୁଡ଼ି ଜବତ କରାଯାଇଥିବା ଜଣାଯାଇଛି ା ଉପରୋକ୍ତ ୩ ଅଭିଯୁକ୍ତଙ୍କ ନାମରେ ପୂର୍ବରୁ ବହୁ କେସ୍ ରହିଥିବା ଜଣାଯାଇଛି।