ସିଡନୀ: ଫେସ୍ବୁକ୍ ମାର୍କେଟପ୍ଲେସ୍ ପ୍ଲାଟ୍ଫର୍ମରେ, ଅଷ୍ଟ୍ରେଲିଆର ସିଡ୍ନୀ ସହରର ହେୟମାର୍କେଟ ଅଞ୍ଚଳରେ ଥିବା ଏକ ଆପାର୍ଟମେଣ୍ଟର ବାଲ୍କୋନିକୁ ବିକ୍ରି କରିବା ପାଇଁ ସମ୍ପୃକ୍ତ ଆପାର୍ଟମେଣ୍ଟ ମାଲିକ ଏକ ବିଜ୍ଞାପନ ଜାରି କରିଛନ୍ତି। ସବୁ ପାର୍ଶ୍ୱରେ କାଚ ଦ୍ୱାରା ଘେରି ରହିଥିବା ଏହି ବାଲ୍କୋନିକୁ ଏକ ସ୍ବତନ୍ତ୍ର କୋଠରି ଭାବରେ ଏହି ବିଜ୍ଞାପନରେ ଦର୍ଶାଯାଇଛି। ଆପାର୍ଟମେଣ୍ଟ ମାଲିକ ଏହି ବିଜ୍ଞାପନରେ ଲେଖିଛନ୍ତି, ବାଲ୍କୋନିଟି ସମ୍ପୂର୍ଣ୍ଣ ଭାବେ ଏକ କୋଠରି ରୂପେ ପ୍ରସ୍ତୁତ ହୋଇ ସାରିଛି। ଜଣେ ବ୍ୟକ୍ତି ଆରାମରେ ରହିବା ପାଇଁ ଏହି ସ୍ବତନ୍ତ୍ର କୋଠରୀ ଉପଯୁକ୍ତ ହୋଇଥିବା ସେ କହିଛନ୍ତି। ବିଜ୍ଞାପନଟି ସୋସିଆଲ ମିଡିଆ ପ୍ଲାଟ୍ଫର୍ମ ଏକ୍ସ’ରେ ଭାଇରାଲ ହେବାରେ ଲାଗିଛି ଯାହା ଅନେକ ୟୁଜର୍ସଙ୍କୁ ଚକିତ କରିଛି। ବିଜ୍ଞାପନରେ ଉକ୍ତ ଆପାର୍ଟମେଣ୍ଟ ମାଲିକ ଏହି ବାଲ୍କୋନିର ଭଡା ମାସିକ ୯୬୯ ଡଲାର(ପ୍ରାୟ ୮୧ ହଜାର ଟଙ୍କା) ହୋଇଥିବା ଦର୍ଶାଇଛନ୍ତି। ଏଥିପାଇଁ ଗ୍ରାହକଙ୍କୁ ସାପ୍ତାହିକ ଭଡା ଦେବାକୁ ପଡିବ ବୋଲି ସେ କହିଛନ୍ତି ।