ମୋରଡା,୯।୫ (ଡି.ଏନ.ଏ): ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଞ୍ଚଳରେ ଦିନକୁ ଦିନ ଲଘୁ ଖଣିଜ ଦ୍ରବ୍ୟର ଚୋରା ଚାଲାଣ ବୃଦ୍ଧି ପାଇବାରେ ଲାଗିଛି। ଶନିବାର ବିଳମ୍ବିତ ରାତିରେ ମୋରଡ଼ା ପୋଲିସ ବାଲି ଓ ମୋରମ ଚୋରା ଚାଲାଣ ବେଳେ ଦୁଇଟି ଡମ୍ପର ଜବତ କରିଛି। ମୋରଡ଼ା ତହସିଲଦାର ଅନନ୍ତ କୁମାର ହଁାସଦାଙ୍କଠାରୁ ମିଳିଥିବା ସୂଚନା ଅନୁଯାୟୀ, ବାଲି ଓ ମୋରମ ପଶ୍ଚିମବଙ୍ଗକୁ ଚୋରା ଚାଲାଣ ହେଉଥିବା ଖବର ପାଇ ପୋଲିସ ଶୀର୍ଷାପାଳ ଛକରେ ଚଢ଼ାଉ କରିଥିଲା। ୨ଟି ଗାଡ଼ିକୁ ଜବତ କରି ଚିତ୍ରଡ଼ା ଫାଣ୍ଡିରେ ଅଟକ ରଖିଛି। ତଦନ୍ତ ପରେ ଜରିମାନା କରାଯିବ ବୋଲି ତହସିଲଦାର କହିଥିଲେ। ଏ ସମ୍ପର୍କରେ ମୋରଡ଼ା ଥାନା ଅଧିକାରୀ ପଦ୍ମଲୋଚନ ପାଣିଗ୍ରାହୀ କହିଛନ୍ତି, କେବଳ ମୋରମ ବୋଝେଇ ଡମ୍ପର ନାମରେ ଏକ ମାମଲା (ନଂ.୧୦୮/୨୨) ରୁଜୁ ହୋଇଛି। ବାଲି ଡମ୍ପରକୁ ୨ ଲକ୍ଷ ୩୧୫ ଟଙ୍କାର ଜରିମାନା କରାଯାଇଥିବା ନେଇ ତହସିଲଦାର ତାଙ୍କୁ ସୂଚନା ଦେଇଛନ୍ତି। ସେପଟେ ଶନିବାର ସାରେ କୋହି ପଞ୍ଚାୟତ ଦେଇ ଯାଇଥିବା ଜମ୍ଭୀରା ନଦୀର ବଡ଼ଫେରା ଘାଟରେ ବେଆଇନ ବାଲି ଚାଲାଣକୁ ବିରୋଧ କରି ଗ୍ରାମବାସୀ ଏକ ଡମ୍ପରକୁ ଅଟକାଇଥିଲେ। ମୋରଡ଼ା ତହସିଲଦାରଙ୍କୁ ଖବର ଦେଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିଲେ ବୋଲି ଗ୍ରାମବାସୀ ପ୍ରକାଶ କରିଛନ୍ତି। ସା ପରେ ବାଲି ଉତ୍ତୋଳନ ହୋଇପାରିବ ନାହିଁ କିନ୍ତୁ ଚାଲାଣ ହୋଇପାରିବ ବୋଲି ତହସିଲଦାର କହିଥିଲେ।