ବଲିଉଡ୍ ଅଭିନେତା ତଥା କମେଡିଆନ ସୁନୀଲ ଗ୍ରୋଭର ପ୍ରାୟ ସମୟରେ ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହିଥାନ୍ତି। ସବୁବେଳେ ସେ ମଜାଳିଆ ଭିଡ଼ିଓମାନ ସବୁ ଶେୟାର କରି ପ୍ରଶଂସକଙ୍କୁ ମନୋରଞ୍ଜନର ଖୋରାକ ଯୋଗାଇଥାନ୍ତି। ନିକଟରେ ସେ ଏକ ଭିଡ଼ିଓ ଶେୟାର କରିଛନ୍ତି, ଯାହାକୁ ଦେଖିଲେ ଯେକେହିବି ଆଶ୍ଚର୍ଯ୍ୟ ହୋଇଯିବ। ଉକ୍ତ ଭିଡିଓରେ ଜଣେ ନେତା ରାଲି ସମୟରେ ଜନତାଙ୍କୁ ଭେଟୁଥିଲେ, ସେହି ସମୟରେ ବନ୍ଧା ହୋଇଥିବା ପୁଳାଏ ବେଲୁନରେ ହଠାତ୍ ବିସ୍ଫୋରଣ ହୋଇଥିଲା।
ଏହାପରେ ସେଠାରେ ଥିବା ଜନତା ଓ କର୍ମୀ ପ୍ରାଣ ବିକଳରେ ଏପଟ ସେପଟ ଦୌଡ଼ିବାକୁ ଲାଗିଥିଲେ। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ଏହି ଭିଡ଼ିଓ କେଉଁଠାକାର ଓ କେବେର ତାହା ଏବେ ସ୍ପଷ୍ଟ ହୋଇପାରି ନାହିଁ। କିନ୍ତୁ ସୁନୀଲ ଶେୟାର କରିଥିବା ଏହି ଭିଡିଓକୁ ଏପର୍ଯ୍ୟନ୍ତ ଲକ୍ଷେରୁ ଊର୍ଦ୍ଧ୍ୱ ଲୋକ ଦେଖିସାରିଲେଣି।