ଢାକା,୫।୮: ଟି -୨୦ବିଶ୍ୱକପ ପୂର୍ବରୁ ଅଷ୍ଟ୍ରେଲିଆର ନିରାଶାଜନକ ପ୍ରଦର୍ଶନ ଜାରି ରହିଛି। ଅଷ୍ଟ୍ରେଲିଆ ଦଳ ମଧ୍ୟ ବାଂଲାଦେଶ ବିପକ୍ଷ ଦ୍ୱିତୀୟ ଟି -୨୦ ମ୍ୟାଚ ହାରିଛି। ଢାକାର ଶେର-ଏ-ବଙ୍ଗଳା ଷ୍ଟାଡିୟମରେ ଖେଳାଯାଇଥିବା ଦ୍ୱିତୀୟ ମ୍ୟାଚ୍ରେ ଅଷ୍ଟ୍ରେଲିଆ ଦଳ ୫ ଉଇକେଟ ହାରିଥିଲା। ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ୨୦ ଓଭରରେ ୭ ଉଇକଟ ହରାଇ ମାତ୍ର ୧୨୧ ରନ ସଂଗ୍ରହ କରିଥିଲା। ଜବାବରେ ୧୮.୪ ଓଭରରେ ବାଂଲାଦେଶ ଲକ୍ଷ୍ୟ ହାସଲ କରିଥିଲା। ଏହି ବିଜୟ ସହିତ ବାଂଲାଦେଶ ପାଞ୍ଚ ମ୍ୟାଚ ବିଶିଷ୍ଟ ଟି-୨୦ ସିରିଜରେ ୨-୦ରେ ଆଗୁଆ ରହିଛି। ଆଇସିସି ବିଶ୍ୱ ଟି-୨୦ ର଼୍ୟାଙ୍କିଂ ବିଷୟରେ କହିବାକୁ ଗଲେ ବାଂଲାଦେଶ ଏବେ ୧୦ ନମ୍ବର ସ୍ଥାନରେ ଥିବାବେଳେ ଅଷ୍ଟ୍ରେଲିଆ ୫ ନମ୍ବର ସ୍ଥାନରେ ରହିଛି। ତେବେ ବାଂଲାଦେଶଠାରୁ ଲଗାତାର ଦ୍ୱିତୀୟ ପରାଜୟ ପରେ ଅଷ୍ଟ୍ରେଲିଆ ଟିମ୍କୁ ନେଇ ଅନେକ ପ୍ରଶ୍ନ ଉଠିଛି।