କେନ୍ଦୁଝର ଜିଲାର ଆରାଧ୍ୟ ଶ୍ରୀବଳଦେବଜୀଉଙ୍କ ମନ୍ଦିର ରାଜା ଲକ୍ଷ୍ମୀନାରାୟଣ ଭଞ୍ଜ ୧୬୭୧ ମସିହାରେ ପ୍ରତିଷ୍ଠା କରିଥିଲେ ା ଏହି ମନ୍ଦିରର ନୀଳଚକ୍ର ଅଷ୍ଟଧାତୁରେ ନିର୍ମିତ ା ତେବେ ତନ୍ତ୍ର ବଳରେ ଏହାକୁ ମନ୍ଦିର ଉପରେ ସ୍ଥାନିତ କରାଯାଇଥିବା କୁହାଯାଏ ା ନୀଳଚକ୍ର ଉପରେ ୧୨ ହାତ ଲମ୍ବର ବ୍ରହ୍ମଦଣ୍ଡରେ ପତିତପାବନ ବାନା ଲଗାଯାଏ ା ଏଠାରେ ପତିତପାବନ ବାନା ଦୁଇଟି ପତାକାକୁ ନେଇ ପ୍ରସ୍ତୁତ କରାଯାଇଥାଏ ା ଉପର ପତାକାର ଲମ୍ବ ୮ ହାତ ଓ ତଳ ପତାକାର ଲମ୍ବ ୬ ହାତ ା ୨୦ ବର୍ଷ ହେଲା ଏହି ବାନା ବନ୍ଧା କାର୍ଯ୍ୟ କରି ଆସୁଛନ୍ତି ଚକ୍ରଧର ମହାରଣା ା ସେ କୁହନ୍ତି,ତାଙ୍କ ପୂର୍ବରୁ ବଡ଼ ଭାଇ ବଳରାମ ଏବଂ ତା’ ପୂର୍ବରୁ ବାପା ରଘୁନାଥ, ଜେଜେବାପା ରଙ୍ଗାଧର, ତାଙ୍କ ପୂର୍ବରୁ ତାଙ୍କ ବାପା ହରି ମହାରଣା ଏଭଳି ବହୁ ଆଗରୁ ଏହି ସେବାକାମ ତାଙ୍କ ପୂର୍ବପୁରୁଷ କରିଆସୁଛନ୍ତି ା ଏହି କାମ ପାଇଁ ବାପା ସେତେବେଳେ ପାରିଶ୍ରମିକ ୧ଟଙ୍କା ୩୧ ପଇସା ପାଉଥିଲେ ା ଏବେ ମିଳୁଛି ମାତ୍ର ୬ ଶହ ଟଙ୍କା ା ବିପଦପୂର୍ଣ୍ଣ ଅବସ୍ଥାରେ ମନ୍ଦିର ଉପରକୁ ଚଢ଼ି ପତିତପାବନ ବାନାକୁ ଲଗାଇବାକୁ ପଡ଼ିଥାଏ ା
ଶ୍ରୀଜୀଉଙ୍କ ମହିମା ପାଇଁ ଏହି ଦୁଃସାହସିକ କାର୍ଯ୍ୟକୁ ସୁରକ୍ଷିତ ଭାବରେ ଚାଲିଛିା ନେତ୍ର ଉତ୍ସବ, ମକର, କାର୍ତ୍ତିକ ମାସ ବଡ଼ ଏକାଦଶୀ ଦିନ ହିଁ ନୂଆ ବାନା ବନ୍ଧାଯାଏ ା ଅନ୍ୟ ଦିନରେ ବାନା ବଦଳାଯାଏ ନାହିଁ ା
ଯଦି ଧର୍ମଦଣ୍ଡ ଭାଙ୍ଗିଯାଏ ତେବେ ତାହା ନୂଆ ଲଗାଇବା ସହ ଠାକୁରଙ୍କ ନୀତି କରାଯାଇଥାଏ ା
-ନରେଶ ଚନ୍ଦ୍ର ପଟ୍ଟନାୟକ