ଜୁନାଗଡ଼,୩୦।୪(ଡି.ଏନ୍.ଏ.): କଳାହାଣ୍ଡି ଜିଲା ଜୁନାଗଡ଼ ବ୍ଲକ ବଣ୍ଡାକୁଟ୍ରା ଛକ ନିକଟରେ ଶନିବାର ଭୋରରେ ବିବାହ ପ୍ରୋସେସନ ସାରି ଫେରୁଥିବା ବେଳେ ଏକ ବ୍ୟାଣ୍ଡପାର୍ଟି ଗାଡି ଦୁର୍ଘଟଣାଗ୍ରସ୍ତ ହୋଇଛି। ଫଳରେ ଜଣେ କଳାକାରଙ୍କ ମୃତ୍ୟୁ ଘଟିଥିବା ବେଳେ ଅନେକ ବାଦ୍ୟଯନ୍ତ୍ର କଳାକାର ଆହତ ହୋଇଛନ୍ତି। ମୃତକ ନୂଆପଡା ଜିଲାର ପ୍ରଫୁଲ୍ଲ ବାଗ ବୋଲି ଜଣାପଡ଼ିଛି । ଅନ୍ୟନ୍ତପକ୍ଷରେ ଆହତମାନଙ୍କୁ ଭବାନୀପାଟଣା ଡାକ୍ତରଖାନାରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ମୁତାବକ, ଜୁନାଗଡ଼ର ମା’ ମେଲୋଡି ବ୍ୟାଣ୍ଡ ପାର୍ଟି ଗୋଲାମୁଣ୍ଡା ବ୍ଲକ ଅଞ୍ଚଳରେ ହେଉଥିବା ଏକ ବିବାହ ପ୍ରୋସେସନରେ କରିବାକୁ ଯାଇଥିଲେ । ରାତିରେ ପ୍ରୋସେସନ ସାରି ଫେରୁଥିବା ବେଳେ ବଣ୍ଡାକୁଟ୍ରା ଛକ ନିକଟରେ ଭୋର ପ୍ରାୟ ୪ଟାରେ ଗାଡିଟି ଭାରସାମ୍ୟ ହରାଇ ଓଲଟି ପଡିଥିଲା। ଘଟଣା ସ୍ଥଳରେ ପ୍ରଫୁଲ୍ଲ ବାଗଙ୍କ ମୃତ୍ୟୁ ଘଟିଛି।
