ହାମିଲଟନ,୧୪।୩: ଚଳିତ ମହିଳା ଦିନିକିଆ ବିଶ୍ୱକପ୍ର ଗ୍ରୁପ୍ ପର୍ଯ୍ୟାୟରେ ଏକ ବଡ଼ ବିପର୍ଯ୍ୟୟ ଦେଖିବାକୁ ମିଳିଛି। ପ୍ରଥମ ଥର ପାଇଁ ବିଶ୍ୱକପ୍ରେ ଖେଳୁଥିବା ବାଂଲାଦେଶ ୯ ରନ୍ରେ ପାକିସ୍ତାନକୁ ହରାଇ ଦେଇଛି। ଏହା ମହିଳା ବାଂଲାଦେଶ ଦଳ ପାଇଁ ବିଶ୍ୱକପ୍ ଇତିହାସରେ ପ୍ରଥମ ବିଜୟ। ଅନ୍ୟପକ୍ଷରେ ପାକିସ୍ତାନ ଲାଗି ଏହା ବିଶ୍ୱକପ୍ରେ କ୍ରମାଗତ ୧୮ତମ ପରାଜୟ।
୨୩୫ ରନ୍ର ପିଛା କରୁଥିବା ପାକିସ୍ତାନ ଓପନର ସିଦରା ଆମିନ (୧୦୪)ଙ୍କ ଶତକ ସତ୍ତ୍ୱେ ବିଜୟ ଲକ୍ଷ୍ୟଠାରୁ ୧୦ ରନ୍ ପଛରେ ରହିଯାଇଥିଲା। ଆମିନ ଏବଂ ନାହିଦା ଖାନ(୪୩)ଙ୍କ ଓପନିଂ ଯୋଡ଼ି ୯୧ ରନ୍ କରିଥିଲେ। ଦଳ ଏକଦା ୧୮୩ ରନ୍ରେ ୨ ଉଇକେଟ ହରାଇ ପାକିସ୍ତାନ ଅତ୍ୟନ୍ତ ସୁବିଧା ସ୍ଥିତିରେ ଥିଲା। କିନ୍ତୁ ଦଳ ୫ ରନ୍ ମଧ୍ୟରେ ୫ ଉଇକେଟ ପଡ଼ିଯିବାରୁ ଦିଗହରା ହୋଇଯାଇଥିଲା ପାକିସ୍ତାନର ଇନିଂସ। ଶେଷରେ ଦଳ ୯ ଉଇକେଟ ହରାଇ ୨୨୫ ରନ୍ କରିବାକୁ ସକ୍ଷମ ହୋଇଥିଲା।
